اسلام آباد۔ 17 نومبر (اے پی پی) نگران بنجائی وزیر حوالکاری و شینکاری و پارلیمانی امور مرتضیٰ سولنگی جمہوریہ مالدیپ نا پوسکن گچین مروک آ صدر ڈاکٹر محمد معیزونا سوغندی دود اٹی بشخ ہلنگ کن جمعہ نادے آ مالدیپ آ سرمس۔ ڈاکٹر معیزو 30 ستمبر 2023ء آ مالدیپ نا صدارتی گچین کاری تیٹی سرسہب مسوسس ۔ مالدیپ آ بننگ آ نگران بنجائی وزیر حوالکاری نا مالدیپ نا پندار وزیر خارجہ موسیٰ ضمیر، ایڈیشنل سیکرٹری وزارت خارجہ فرزانہ ظاہر، مالدیپ نا سینئر کمامدار و پاکستان ہائی کمشنر وائس ایڈمرل (ر) محمد فیاض گیلانی ئسک ویلانا انٹرنیشنل بالی پٹ آ اودے بخیرکریر۔ پاکستان و مالدیپ اِرا مسلم ایلم ملک ءُ و ہڑتوم آ تا نیام اٹ خوشگوار تعلقداری جوڑ ءِ ۔ مالدیپ نا صدر نا سوغندی دود اٹی وزیر حوالکاری و شینکاری نا بشخ ہلنگ ہڑتوم آ ملک آتا نیام اٹ ساڑی خڑکی و ہڑتوم آ کنڈآتا تعلقداری نا ڈیک ءِ ایتک۔ تینا دورہ ٹی نگراں بنجائی وزیر حوالکاری تینا اختہ ئی تیان بیدس جمہوریہ مالدیپ نا صدر تون اوڑدہی ہم کیک۔
