اسلام آباد۔ 16 نومبر (اے پی پی) جہانی دہشت گردی و ایلو سیکورٹی چیلنج آتون مون تننگ کن پاکستان و روس انا مشترکہ ورکنگ گروپ نا دہ می دیوان اسلام آباد اٹی برجاءِ۔ دفترخارجہ نا ترجمان ممتاز زہرہ بلوچ پنچ شنبے نادے آ داڑے پریس حوال اٹی پارے کہ ایڈیشنل سیکرٹری خارجہ (اقوام متحدہ ) سفیر سید حیدر شاہ پاکستان نا ملٹی ایجنسی ڈل انا کماشی ءِ کریکہ وخت اس کہ روسی ڈل انا کماشی ءِ نائب وزیرخارجہ سرگئی ورسینین کننگ ءِ۔ ترجمان پارے کہ فریق آک علاقائی و جہانی کہول آ دہشت گردی نا خطرہ نا بابت تینا جاچ انا اشتراک ءِ کیرہ۔ اوپارے کہ مذاکرات اٹی پاکستان روس انسداد دہشت گردی کمکاری آ چکار کننگک۔
