کوئٹہ۔ 16 نومبر (اے پی پی) نگراں صوبائی وزیر حوالکاری بلوچستان جان اچکزئی پارینے کہ پاکستان اوغانستان تون جہانی سیم آ اسہ دستاویزی نظام اس رائج کرینے وخت اس کہ بارڈر آ پاسپورٹ نا جاری کننگ آ سرسہبی اٹ عملدرآمد نا ہم بناءِ کننگانے۔ داخیال آتا درشانی ءِ او پنچ شنبے نادے آ تینا جاری کروک بیان اٹی کرے ، نگران صوبائی وزیر حوالکاری جان اچکزئی مستی پارے کہ چمن پاسپورٹ آفس اٹ کم و ود 1000 پاسپورٹ ٹوکن جاری کننگا و 200 پاسپورٹ ڈیلیور کننگانے و قلعہ عبداللہ ٹی پاسپورٹ آفس ہم پورو وڑاٹ فعال ءِ۔ نگران صوبائی وزیر حوالکاری بلوچستان جان اچکزئی پارے کہ ریاست پاکستان غٹ پریشرآن پد ہم اسہ دستاویزی نظام اسے آ عملدرآمد ءِ پک کرینے اسہ دستاویزی نظام اسے آ عملدرآمد نا کریڈٹ نگران وزیراعظم پاکستان آرمی چیف و وزیراعلیٰ بلوچستان ءِ کاہک ہرافک دادے پک کرینو۔ اوپارے کہ غیرکانودی پردیسی تے اسہ وار بارڈر پار کننگ نا موکل تننگانے تانکہ او تینا وطن آ پدی سرمننگ کیر۔ آخبت بارڈر کراسنگ پاسپورٹ نا ساڑی گری تون مشروط مریک۔ اوپارے کہ اوغانستان نا شاری تے ہم داسہ بارڈر پار کننگ کن پاسپورٹ ءِ نشان تروئی مریک۔ صوبائی وزیر حوالکاری بلوچستان جان اچکزئی مستی پارے کہ اسہ دستاویزی نظام اسے آن بارڈرآ ہن و بر کانودی وڑاٹ ممکن مریک۔
