کوئٹہ۔ 16 نومبر (اے پی پی) چیئرمین اسٹینڈنگ کمیٹی پیٹرولیم و رسورسز و سیاسی و اقتصادی امور نا ماہر سینیٹر محمد عبدالقادر پارینے کہ پاکستان و ازبکستان نا نیام اٹ واپاری مون آ دننگ کن اسیجائی ورکنگ ٹولی اس جوڑ کننگانے پاکستان و ازبکستان نا نیام اٹ بینکنگ چینل ملنگ آ امنائی و ایگزم بینک ءِ فعال کرینو ہڑتوم آ کنڈآتا واپار ہڑتوم آ ملک آتا اولیت ءِ، ہڑتوم آ ملک آتا نیام اٹ واپار ءِ ڈیجیٹلائز کننگ بھلا پیش رفت اسے۔ داڑے جاری مروک اسہ بیان اسے ٹی سینیٹر محمد عبدالقادر پارے کہ داہم طے مسنے کہ ہڑتوم آملک آتا نیام اٹ ورکنگ گروپ نا دیوان اس مریک ازبکستان ، ٹرانس، اوغان ریل پروجیکٹ آ ترندی اٹ کاریم کننگ خواہک پاکستان و ازبکستان ہڑتوم آ ملک آتا نیام اٹ واپاری پیچیدگی و بے گرج اڑاند آتے چٹفنگ آہم امنائی مسنے ہڑتوم آ کنڈآتا واپار اٹ آسانی ودی کننگ ، کسٹمز نا وڑوڈول ءِ آسان کننگ و سیم پار واپار ءِ مون آ دننگ آ چکار تخنگ ءِ خاص اہمیت تننگک۔ اوپارے کہ پاکستان اوغانستان و نیامی ایشیائی ریاست آتون بھلو کچ اسے آ واپار نا مون آ دننگ نا خواہندارءِ ، پاکستان و ازبکستان ہڑتوم آ کنڈآتا واپار نا کچ ءِ ودفنگ آہم متفق ءُ و ہڑتوم آ ملک آک زرکاری ٹی بھاز است خواہی تخرہ ، زرکاری نا دنگ ءِ ودفنگ آ ہم رضامندی ظاہر کننگانے۔ داہیت انا پکا گمان ءِ کہ ازبک زرکارآک بھاز زوت پاکستان اٹ زرکاری کن وزٹ اس کیر ہ۔ چیئرمین قائمہ کمیٹی پارے کہ ہڑتوم آ ملک آتیٹی تین پہ تینی پت و ہم گرنچی خننگک ہڑتوم آملک آک مذہبی، دودوربیدہ ئی ، راجی ، واپاری و سفارتی کہول آ اسہ ایلو نا خڑک ءُ پاکستان و ازبکستان نا شاری تے اسہ ایلونا گل زمین آ بے کچ مہرومریبت و شرف تننگک، ہڑتوم آملک آتا زرگزرانی سوگوی نا مچ آ ڈیہہ انا شونداری و شونہالی آ مثبت اثر تمک لینڈ لاک ملک مننگ نا سوب آن پاکستان نا بندرگاک ازبکستان نا پیشن نا زرکار نا بابت اہمیت اس تخرہ ۔
