لاہور۔ 16 نومبر (اے پی پی) چین پاکستان اقتصادی راہداری آن دوئی مروک آ انفراسٹرکچرل و کمیونیکیشن نا شونداری ءِ اسپیشل انویسٹمنٹ فیسیلی ٹیشن کونسل نا کمک اٹ جہانی زرکارآتامون آ پبی وڑاٹ بایدے پیش کننگے۔ ملک انا زرگزرانی شونداری سٹریٹجک لائخی تتون اوار اوار انرجی سیکورٹی و فوڈ سیکورٹی تون منسلک مسنے و دا ہر مسٹ آ بشخ ایس آئی ایف سی نا پنچ فوکس ایریہ غاتیان ءُ۔ داخیال آتا درشانی ءِ نامور ماہر معیشت فیض الحق پنچ شنبے نادے آ چندی بشخ آتیٹی زرکاری کروک آ اسہ ڈل اسے تون اوڑدہی ٹی کرے۔ اوپارے کہ چین پاکستان اقتصادی راہداری داتم اسکان 6 ہزار میگاواٹ بجلی ، 886 کلومیٹر ٹرانسمیشن نیٹ ورک، جہانی آب انا 510 کلومیٹر ہائی ویز، 1 لکھ 92 ہزار بالواسطہ و کیہی لکھ بلاواسطہ نوکری و9 اسپیشل اکنامک زون( ہرافتیان 4 کم و ود پورو مسنو) فائدہ غاتا وڑاٹ پاکستان ءِ ڈلیورکرینے۔ اواسپیشل انویسٹمنٹ فیسلی ٹیشن کونسل نا رداٹ ٹیلی کاریم نا بشخ اٹی رائٹ آف وے نا یونیفارم چارج آتا پڑو ءِ گیم چینجر اس گوندسا پارے کہ داڑآن پاکستان نا ٹیکنالوجی نا بشخ اٹی انقلاب اس بریک انتئے کہ ٹیلی کام ٹیکنالوجی غٹ زرگزرانی شونداری ءِ بنداو فراوان کیک ۔
