ہرنائی۔ 16 نومبر (اے پی پی) محکمہ جان جوڑی نا گچینی ٹی پیرامیڈکس آتا اہم ءُ کڑد اسے، السی خذمت و جوزہ غان سرشار مرسا پوسکن آ جوش و ولولہ اٹ کاریم کننگے۔ پیرامیڈیکس ءِ مون تروک ویل آتا چٹفنگ کن ڈی ایچ او، ایم ایس و ڈی ایس ایم پی پی ایچ آئی آن مثبت گمان نا اومیت ءِ ۔ پیرامیڈیکس نا گیشتر ویل آتا تعلق محکمہ جان جوڑی نا کمامدارآتیان ءِ ہرافتا اودے جوانی اٹ علم ءِ ۔ داخیال آتا درشانی ءِ پیرامیڈیکس آفس اٹ آل پاکستان پیرامیڈیکل اسٹاف فیڈریشن ضلع ہرنائی نا پوسکن گچین مروک آکابینہ تون ڈسٹرکٹ ہیلتھ آفیسر ہرنائی ڈاکٹر فیاض احمد مستوئی ضلعی صدر عبدالودود ترین اسہ اوڑدہی اسے ٹی کرے۔ اوڑدہی ٹی پیرامیڈکس ءِ مون تروک غٹ ویل آتے ایسر کننگ نا پورو باوری کرفسا امنامس کہ چونکہ پیرامیڈکس محکمہ جان جوڑی تمبہ نا حیثیت تخک و اوفتا کڑد اہم مریک۔ مریض تون اوفتا براہ راست تعلق مریک۔ ہرانا سوب آن گیشتر وخت ویل ودی مریک۔ ولے طب انا بشخ مننگ ناناطہ ننے وسیلہ غاتے ٹی رہینگسا السی ویل آتے ایسر کننگے ۔ اوڑدہی ٹی تین پہ تینی کمک و محکمہ جان جوڑی نا گچینی فعالی کن دے و نن کاریم کننگ نا قول کننگا۔ اوڑدہی ٹی ضلعی جنرل سیکرٹری مسعود خان و ایلو عہدیدار آک ساڑی ئسر۔
