اسلام آباد۔ 16 نومبر (اے پی پی ) بنجائی حکومت حج پالیسی 2024 نا پڑو ءِ کرینے ، حج پیکج تدوک آ سال انا مقابلہ ٹی اسہ لکھ روپئی اڑزان مریک، حج درخواست آتے 27 نومبر آن 12 دسمبر اسکان ہلنگک، پاکستان نا حج کوٹہ اسہ لکھ 79 ہزار 210 مقرر کننگانے۔ سرکاری سپانسر شپ اسکیم اول ببو اول دبو نا صول آ مریک، و داٹی قرعہ اندازی آن استثنیٰ مریک، لانگ حج پیکج 38 آن 42 دے و شارٹ حج پیکج 20 آن 25 دے انا مریک، کس اسے مفت حج کرفپننگک۔ پنچ شنبے نادے آ نگران بنجائی وزیر مذہبی امور انیق احمد پریس کانفرنس اٹی حج پالیسی 2024 نا پڑو ءِ کرے۔ اوپارے کہ لانگ حج پیکج نا رداٹ ریگولر حج اسکیم نا خڑچ سویلی ریجن(کراچی، کوئٹہ ، سکھر) کن 10 لکھ 65 ہزار روپئی، قطبی ریجن کن 10 لکھ 75 ہزار روپئی، لانگ حج پیکج نا رداٹ سپانسر شپ حج اسکیم نا خڑچ سویلی ریجن کن 3765 ڈالر و قطبی ریجن کن 3800 ڈالرمریک۔ لانگ حج پیکج مدینہ ٹی 8 دے انا اڈکننگ تون 38 آن 42 دے انا مریک، شارٹ حج پیکج مدینہ ٹی 3 آن 5 دے انا اڈکننگ تون 20 آن 25 دے انا مریک و شارٹ حج پیکج نا رداٹ ریگولر حج اسکیم نا خڑچ سویلی ریجن کن 11 لکھ 40 ہزار و قطبی ریجن کن 11 لکھ 50 ہزار روپئی وخت اس کہ شارٹ حج پیکج نا رداٹ سپانسر شپ حج اسکیم نا خڑچ سویلی ریجن کن 4015 و قطبی ریجن کن 4050 ہزار وپئی وخت اس کہ شارٹ حج پیکج نا رداٹ سپانسر شپ حج اسکیم ناخڑچ سویلی ریجن کن 4015 و قطبی ریجن کن 4050 ڈالرمریک ۔ اوپارے کہ وزارت مذہبی امور تدوک آ سال آن حج خڑچ آتے کم کننگ اٹ سرسہب مسنے۔ سرکاری حاجی تیکن مخصوص رنگت و شناخت والا المی گڑا فراوان کننگک۔ داکان بیدس ارٹ میکو بیگ یا عبایاپین پین قابل قبول مفک۔
