ملتان۔ 16 نومبر (اے پی پی) ملتان اٹی تدوک آ دے 37 پوسکن ءُ ڈینگی مریض پک مس وخت اس کہ برجاسال ڈینگی نا کل 1215 مریض رپورٹ مس۔ محکمہ جان جوڑی نا رداٹ مچ آ پنجاب نا ہسپتال آتیٹی داوخت آ ڈینگی نا کل 173 مریض زیر علاج ءُ، وخت اس کہ تدوک آ 24 گھنٹہ ٹی مچ آصوبہ ٹی 223 مریض آتیٹی ڈینگی پک مس۔ برجاسال پنجاب نا 36 ضلع غاتیٹی ڈینگی نا 12268 کنفرم مریض رپورٹ مس۔ تدوک آ 24 گھنٹہ ٹی رحیم یار خان ، وہاڑی، جھنگ و راجن پور اٹی ڈینگی نا اسہ اسہ پوسکن ءُ مریض مون آ بس۔ محکمہ جان جوڑی نا کنڈآن شاری تیان خواست کننگاکہ او ڈینگی آن بچنگ کن تینا چاگڑد ءِ صاف ستھرا و خشک تخر ، ڈینگی نا توننگ کن محکمہ جان جوڑی نا ٹیم آتون کمک کیر و ڈینگی ال انا درمان، معلومداری یا ہروڑنا غاو اکن محکمہ جان جوڑی نا فری ہیلپ لائن 1033 آ رابطہ کیر۔
