کوئٹہ۔ 15نومبر (اے پی پی) مسلم لیگ (ن) نا صدر و مسکوہی وزیراعظم میاں شہباز شریف پارینے کہ ننے اواری اٹ صوبہ ءِ شونہال کننگ و اواری اٹ زرگزرانی، راجی ویل آتے ایسر کروئی ءِ، نواز شریف نا بلوچستان نا شونداری کن عملی کوشست قوم انا مون آٹی ءِ، نواز شریف نا دوراٹی سڑک آتا جال اس تالان کننگا وخت اس کہ تدوک آ حکومت نا چار سال اٹی بھسکاری و بربادی مس، بلاول بھٹو چنکا ایلم آنبار ءِ نن 16 تُو اوار کاریم کرینن ، نن پکا سیاست نا کنڈآ بایدے کان انتئے کہ اوغنگ و دوبہ خلنگ آن ہچ اس مفک۔ داہیت ءِ او چارشنبے نادے آ قبائلی و سیاسی راہشون نوابزادہ حاجی لشکری رئیسانی تون اوڑدہی آن پد صحافی تتون گپ وتران کرسا پارے۔ اوپارے کہ نوابزادہ لشکری رئیسانی ءِ مسلم لیگ (ن) اٹی اوار مننگ نا سلہ خلنگ کن بسونٹ اونا اوار مننگ آن پارٹی ءِ سوگوی ملک سیاسی سرکڑدہ غاک مسلم لیگ (ن) اٹی شمولیت اختیار کرینو بلوچستان نا سیاسی جماعت آتا راہشونک اوڑدہی کرینو ای بھا ز است جم اُٹ۔ اوپارے کہ سردار ایاز صادق و شیخ جعفر خان مندوخیل لشکری رئیسانی تون اواری اٹ تولساباندات آتے ایسر کیرہ ، بلوچ، پشتون، سیٹلرو ہزارہ بندغ آتا صوبہ ٹی بھلو خذمت اسے نواز شریف نا دہائی تیان پکاسوچ ءِ کہ بلوچستان نا ویل آتے ایسر کننگے۔ اوپارے کہ ہراسٹ ءِ الس وزیراعظم گچین کیک قوم اودے قبول کیک ، بلاول بھٹو چنکا ایلم آنبار ءِ ، 16 تُو اوار کاریم کرینن مخلوط حکومت نا سلابت اٹ فیصلہ مسکہ منفی ہیت دائس کہ فیصلہ غاتیٹی تاخیر مسکہ نن بایدے پکا سیاست نا کنڈآ کان اوغنگ و دوبہ خلنگ آن ہچ اس مفک جوان انگا ہیت دادے کہ نن غٹ تینا زنچک اٹ ہلین ہرین، غٹ جاچ کین کہ ہراڑے ردینک مس۔ میاں شہباز شریف پارے کہ نن ملک ءِ خواتہ مننگ آن بچفین ننا سیاست ءِ نسخان رسینگا ریاست بچا و سیاست ہم بچک۔
