کوئٹہ۔ 15 نومبر (اے پی پی) مسکوہی وزیراعظم و مسلم لیگ (ن) نا صدر شہباز شریف چارشنبے نادے آ داڑے ساراوان قبیلہ نا سروک و مسکوہی وزیراعلیٰ بلوچستان نواب محمد اسلم خان رئیسانی تون اوڑدہی کرے و جم سیاسی حالیت و بروک آ گچین کاری تا بابت گپ وتران کرے، داوخت آ نوابزادہ حاجی لشکری خان رئیسانی ہم ساڑی ئس۔ مسکوہی اسپیکر سردار ایاز صادق و ایلو راہشونک ہم شہباز شریف تون اوڑدہی ٹی ساڑی ئسر۔ ہڑتوم آ راہشونک اوڑدہی ٹی جم سیاسی حالیت و بروک آ گچین کاری تا بت گپ وتران کریر۔ نواب اسلم خان رئیسانی بننگ آ شہباز شریف ءِ بخیر اٹ پارے و نیک است خواہی نا درشانی ءِ کرے۔ شہباز شریف پارے کہ بلوچستان نا شونداری کن اواری اٹ کاریم کننگ خوانہ انتئے کہ دا ملکی شونداری نا بنداو ءِ، ملک و قوم ءِ تنکی تیان کشنگ کن سیوت، سخا و شریداری نا عمل المی ءِ۔ ہڑتوم آ راہشونک آخبت اٹ سیاسی کمکاری نا بابت ہم گپ وتران کریر وآخبت اٹی ہم رابطہ ءِ بحال تخنگ آ امنا کریر۔
