کوئٹہ۔ 15 نومبر (اے پی پی) پاکستان مسلم لیگ (ن) اقلیتی ونگ انا کنڈآن چارشنبے نادے آ دیوالی نا دود اس اڈ ہلک ہراٹی مسلم لیگ (ن) نا قائد نواز شریف و پارٹی صدر شہباز شریف تون اوار ایلو لیگی راہشونک بشخ ہلکر ۔ داوخت آ نواز شریف، شہباز شریف ، مریم نواز و ایلو پارٹی راہشونک کیک اس کاٹ کریر و ملک انا ہندو برادری آن یک جہتی نا درشانی ءِ کریر۔ دود انا بست وبند ءِ قومی اسمبلی نا باسک ڈاکٹر درشن کریسس۔ نواز شریف و شہباز شریف ہندو برادری ءِ دیوالی نا مبارکبادی تسر۔ نواز شریف پارے کہ آئین پاکستان اقلیت آتے بریبر نا شاری گوندانے۔ اقلیت آتا گچینی، رکھ و شونداری مدام اولیت مسنے، اقلیت آک پاکستان جوڑ کننگ اٹ کڑد اداکرینو۔
