اسلام آباد۔14نومبر (اے پی پی): مزن وزیر وزیر انوارالحق کاکڑ ءَ اوورسیز پاکستانی آناں وتی زر آناں روشن ڈیجیٹل پاکستان اکاونٹ ءِ وسیلگ ءَ ٹرانسفر کنگ ءِ ھیل کاری ءَ دیان ءَ گوشتگ کہ زر ءِ روان دیگ کانودی ءُ جوانیں رپک ءَ ملک ءَ ٹرانسفر ملکی دیمروئی ءَ سک باز المی انت۔ اوورسیز پاکستانی پاکستان ءَ سرمایہ کاری بکن انت۔ حکومت آئی ءَ را ھمک رنگیں کمک ءُ آسراتی پجاری کنت۔ سئے شمبے ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ ادارکی مزن وزیر انوارالحق کاکڑ ءَ گوں نعمان مصطفیٰ ءِ سروکی ءَ اوورسیز پاکستانی آنی ڈل ءَ گوں تران کنان ءَ کت۔ اے موہ ءَ تران کنان ءَ مزن وزیر ءَ گوشت کہ ڈن ملک ءَ نندوکیں پاکستانی مئے گران بھاےئیں مڈی انت۔ ملکی معیشت ءَ اوورسیز پاکستانی آنی کلیتی کرد ات۔ آئی ءَ گوشت کہ ڈن ملک ءَ نندوکیں پاکستانی آنی زر آنی روان دیگ کانودی ءُ جوانیں رپک ءَ ٹرانسفر ءَ چہ ملکی دیمروئی ءِ واستہ سک باز المی انت۔
