ریاض۔ 20 اکتوبر (اے پی پی) سعودی عرب نا ولی عہد شہزادہ محمد بن سلمان اقوام متحدہ نا سیکرٹری جنرل انتونیوگوتریش تون ٹیل فون آ رابطہ کرے و غزہ ٹی جنگ انا ودنگ نا خطرہ غان ودی مروک آ حالیت آتا بارواٹی گپ وتران کرے۔ سعودی خبر رساں ادارہ نا رداٹ محمد بن سلمان جنگی حالیت آتیٹی کمتی اتنگ نا اہمیت آ گپ وتران کرسا پارے کہ ڈیہہ اٹی بے …
سعودی ولی عہد نا اقوام متحدہ نا سیکرٹری جنرل تون ٹیل فون آ رابطہ، غزہ نا حالیت آتیا گپ وتران
ریاض۔ 20 اکتوبر (اے پی پی) سعودی عرب نا ولی عہد شہزادہ محمد بن سلمان اقوام متحدہ نا سیکرٹری جنرل انتونیوگوتریش تون ٹیل فون آ رابطہ کرے و غزہ ٹی جنگ انا ودنگ نا خطرہ غان ودی مروک آ حالیت آتا بارواٹی گپ وتران کرے۔ سعودی خبر رساں ادارہ نا رداٹ محمد بن سلمان جنگی حالیت آتیٹی کمتی اتنگ نا اہمیت آ گپ وتران کرسا پارے کہ ڈیہہ اٹی بے چیٹی ءِ کم کننگ کن غٹ کوشست آتے کننگے۔ شہزادہ محمد بن سلمان ڈیہہ اٹی امن وسوگوی نا بحالی نا حالیت ودی کننگ آ زور شاغسا پارے کہ داڑکن المی ءِ کہ فلسطینی تے اوفتا روا حق تننگے۔ سعودی راہشون دا چرجوئی ٹی اقوام متحدہ و اونا ادارہ غاتا کڑد ءِ ہم تالان کرے تانکہ انسانی حق انا رکھ ءِ پک کننگ مرے۔ ولی عہد غزہ نا گھیڑ انا چٹفنگ و کمکی کارروائی تا دمدستی بناءِ کننگ آ ہم زور شاغا ۔
