قاہرہ۔ 20 اکتوبر (اے پی پی) غزہ ٹی فلسطینی الس کن پاکستان نا انسانی امداد مصر انا العریش انٹرنیشنل بالی پٹ آ سر مس۔ مصر انا دارالحکومت قاہرہ ٹی پاکستانی سفارت خانہ نا رداٹ پاکستان آن 81 ٹن انسانی و طبی امداد ہرفسا خصوصی جہاز مصر آ سرمس۔ مصرا ٹی پاکستانی سفارت خانہ نا رداٹ العریش بالی پٹ غزہ غان 40 کلومیٹر نا فاصلہ غا واقع ءِ۔ مصر اٹی پاکستان …
پاکستانی جہاز فلسطینی تیکن امداد ہرفسا مصر آ سرمس
قاہرہ۔ 20 اکتوبر (اے پی پی) غزہ ٹی فلسطینی الس کن پاکستان نا انسانی امداد مصر انا العریش انٹرنیشنل بالی پٹ آ سر مس۔ مصر انا دارالحکومت قاہرہ ٹی پاکستانی سفارت خانہ نا رداٹ پاکستان آن 81 ٹن انسانی و طبی امداد ہرفسا خصوصی جہاز مصر آ سرمس۔ مصرا ٹی پاکستانی سفارت خانہ نا رداٹ العریش بالی پٹ غزہ غان 40 کلومیٹر نا فاصلہ غا واقع ءِ۔ مصر اٹی پاکستان نا سفیر ساجد بلال دا امداد ءِ مون آ غزہ ٹی فلسطینی انجمن ہلال احمر اسکان سرکننگ کن مصری انجمن ہلال احمر نا دوٹی تس۔ پاکستانی سفارت خانہ نا کنڈآن پاننگانے کہ پاکستان دا نازرک موڑآ فلسطینی الس تون سلوک ءِ، پاکستان فلسطینی تے المی کمکی گڑافراوان کرسا کیک۔
