مس انفارمیشن و ڈس انفارمیشن مچ آ دنیا نا ویل ءِ، سوشل میڈیا گا غٹ آن بھلا چیلنج جعلی خبرآک ءُ، مرتضیٰ سولنگی

اسلام آباد۔ 20 اکتوبر (اے پی پی) نگران بنجائی وزیر حوالکاری و شینکاری مرتضیٰ سولنگی مس انفارمیشن، ڈس انفارمیشن و فیک نیوز آتا مون ءِ توننگ نا گرج آ زور شاغسا پارینے کہ مس انفارمیشن ، ڈس انفارمیشن و فیک نیوز مچ آ دنیا نا ویل ءِ، سوشل میڈیا غا غٹ آن بھلا چیلنج جعلی خبرآک ءُ، صحافی تے تربیت نا فراوانی کن بر طانیہ نا پوسکن آ میڈیا نصاب آن کمک ہلنگک، برطانیہ تون میڈیا نا بشخ آتیٹی کمکاری  ءِ مون آ دننگ نا خواہندار اُن۔ داخیال آتا درشانی ءِ او جمعہ نادے آ داڑے برطانوی ہائی کمیشن نا پولیٹیکل قونصلر مس زوئی ویئر تون اوڑدہی ٹی  گپ وتران کرساکرے۔ اوڑدہی ٹی پاک برطانیہ تعلقداری، خارتس بیانیہ، مس انفارمیشن ، ڈس انفارمیشن نا چٹفنگ، میڈیا نا بشخ آتیٹی کمکاری نا مون آ دننگ و یو این ڈی پی نا سیف ڈیجیٹل انوائرمنٹ پروگرام آ گپ و تران مس۔ نگران بنجائی وزیر حوالکاری پارے کہ پاکستان برطانیہ تون تعلقداری تے قدر انا نظر اٹ ہرک، برطانیہ تون میڈیا نا بشخ آتیٹی کمکاری ءِ مون آ دننگ نا خواہندار اُن۔ اوپارے کہ یو این ڈی پی نا سیف ڈیجیٹل انوائر منٹ پروگرام آن غلط معلومداری و خارتس بیانیہ ءِ درست کننگ اٹ کمک رسینگک۔ داپروجیکٹ آن لائن سپیس آ غلط و خارتس بیانیہ نا پیدواری ءِ کروک آ اہم سرکاری ادارہ و کارندہ غاتا علم، کچ و کسب ءِ پین گچین کیک۔ نگران بنجائی وزیر پارے کہ مس انفارمیشن ، ڈس انفارمیشن و فیک نیوز مچ آ دنیا نا ویل ءِ، ہرانا مون ءِ توننگ نا گرج ءِ۔ اوپارے کہ سوشل میڈیا غا غٹ آن بھلا چیلنج جعلی خبر آک ءُ۔ اوپارے کہ صحافی تے تربیت نا فراوانی کن برطانیہ نا پوسکن آ میڈیا نصاب آن کمک ہلنگک، دا رداٹ انفارمیشن سروس اکیڈمی اہم کڑد ادا کیک، انفارمیشن سروس اکیڈمی ٹی خار تس بیانیہ و غلط معلومداری نا بابت آگاہی سیشن ہم اڈتننگک۔