لندن۔ 02جون (ا ے پی پی) انٹرنیشنل کرکٹ کونسل (آئی سی سی ) نا کنڈآن ہشت میکو آئی سی سی چیمپیئنز ٹرافی کرکٹ ٹورنامنٹ 2017ءٹی (اینو) ہفتہ نا دے اسہ میچ اس گوازی کننگک۔ سرجم احوال آتارداٹ آئی سی سی چیمپیئنز ٹرافی کرکٹ ٹورنامنٹ نا میلہ انگلینڈ اٹی بیرفنگانے ہراٹی دنیائے کرکٹ نا 8 ٹیم ٹائٹل نا دوئی کن پنجہ آزمائی کیرہ۔ ٹورنامنٹ اٹی سیمی فائنل و فائنل تون اوار 15میچ گوازی کننگک۔ ایونٹ اٹی بھارتی ٹیم ٹائٹل نا دفاع ئِ کیک۔ دا چرجوئی ٹی آئی سی سی چیمپیئنز ٹرافی کرکٹ ٹورنامنٹ اٹی (اینو) ہفتہ نا دے اسہ گوازی کرو ک آ اسٹ انگا میچ اٹی گروپ بی نا اِرا ٹیم سری لنکا و سویلی افریقہ مون پہ مون مریرہ۔ آئی سی سی چیمپیئنز ٹرافی کرکٹ ٹورنامنٹ نا اولیکو سیمی فائنل میچ 14جون آ گوازی کننگک ۔ ارٹ میکو سیمی فائنل میچ 15جون آ گوازی کننگک وخت اس کہ فائنل 18 جون آ گوازی کننگک۔

متعلقہ مضامینمصنف کی طرف سے مزید