بیجنگ ۔19اکتوبر (اے پی پی): ادارکی مزن وزیر انوار الحق کاکڑ ءَ گوشتگ کہ پاکستان مھکمیں ءُ ٹوھیں دیمروئیءِ وژن ءُ سرمایہ کار دوستیں پالیشی آنی پد ءُ رند ءَ انت، ھاسیں سرمایہ کاری سہولت کونسل گیر ملکی سرمایہ کار آنی سہولت ءِ واستہ ون ونڈو پلیٹ فورم ءِ رد ءَ کار کنت، چینی سرمایہ کار آنان پاکستان ءَ کشت ءُ کشار، جوانیں ھاٹیگ ، ٹیکسٹائل، ڈیجیٹل معیشت ءُ اشکر ءِ چات آں کار کنوکیں شوبگ آنی تہءَ سرمایہ کار ءِ موہ آں چہ سیت چست کنگ لوٹ ائیت۔ آئیءَ اے ھیالانی درشانی آئیءَ پنچ شمبے ءِ روچ ءَ ادا سیمی بیلٹ اینڈ روڈ فورم (بی آر ایف) ءِ موہءَ جتا جتا جتائیں چینی کمپنی آنی سروک آں گوں تران کنان ءَ کت۔ آئٰءَ مزن وزیر ءَ گوں گند ءُ نندکت۔ مزن وزیر ءَ گوں گند ءُ نند کنوکیں من میٹلز ، ایم سی سی، چائینہ کمیونیکیشن کنسٹرکشن کمپنی سی سی سی سی سی ، چائینہ روڈ اینڈ برج کارپوریشن سی آر بی سی ، سی او ایف سی او، امر انٹر نیشنل گروپ، پاور چائنہ ، چائینہ انرجی ءُ چائینہ گیز وبا گروپ ءِ چیف ایگزیکٹو اپسرگ ءُ سروک ھوار اتنت۔ مزن وزیر ءَ چینی کاروباری بامرد آناں معاشی ءُمالیاتی برجائی ءِ واستہ پاکستان ءِ گامگیج آں چہ سرپد کت۔ مزن وزیر ءَ مھکمیں ءُ ٹوھیں دیمروئی ءِ واستہ پاکستان ءِ وژن ءِ درشان ءَ کنان ءَ گوشت کہ پاکستان سرمایہ کار دوستیں پالیشی ءِ پد ءُ رندی انت ایشی ءِ واستہ ھاسیں سرمایہ کاری آسراتی کونسل ءِ برجائی بوتگ ایش گیر ملکی سرمایہ کار دوستیں پالیشی آنی پد ءُ رندی انت ایشی ءِ واستہ سرمایہ کار ی آسراتی کونسل ءِ برجائی بوتگ ایش در ملکی سرمایہ کاری ءِ آسراتی ءِ واستہ ون ونڈو پلیٹ فورم ءِ رد ءَ کار کنت۔
