سی پیک ڈٹ انا سوب آن مچ آ ملک اٹی بھلو کچ اسے آ زرگزرانی سرجزودی مس، سی پیک کمامدار

اسلام آباد۔ 19 اکتوبر (اے پی پی) چین پاکستان اقتصادی راہداری (سی پیک) ڈٹ انا سوب آن مچ آملک اٹی بھلو کچ اسے آ زرگزرانی سرجزودی مس، چین نا حکومت  نا بیلٹ اینڈ روڈ انیشی ایٹیو( بی آرآئی) نا سوب آن پاکستان علاقائی اقتصادی سرجزآتیٹی اہم فریق جوڑ مسنے۔ سی پیک کمامدارآک ’’اے پی پی‘‘ ءِ پاریر کہ دا ڈٹ آن نئے بیرہ واپار نا کمک اٹ  ارب آ ڈالر نا کٹیامریک بلکن انفراسٹرکچر ڈویلپمنٹ ، پاورجنریشن، ٹرانسپورٹیشن، ریلویز، کشت وکشار، سائنس و ٹیکنالوجی و سیل و سوات نا بشخ آتیٹی ڈٹ آتیان بیدس ہزار آہندی بندغ آتے روزگار نا وارخواہی دُوبریک۔ کمامدارآتا رداٹ سی پیک نا اہم ڈٹ آتیٹی پاکستان  وچین نا اسیجائی ڈٹ انا کمک اٹ مچ آ ملک اٹی زیر تعمیر خصوصی اقتصادی زون تا تفنگ ءِ۔ دا ڈٹ انا اہمیت ءِ مون آتخسا کیہی پین ملک آک ہم دا ڈٹ اٹی زرکاری کن است خواہی نا درشانی ءِ کرینو۔ چین پاکستان اقتصادی راہداری (سی پیک) نا رداٹ خصوصی اقتصادی زون تیا تعمیری کاریم ترندی اٹ برجاءِ، دا ڈٹ آتااہمیت ءِ مون آ تخسا کیہی ملک زرکاری ٹی است خواہی ہلنگ ءُ ہراڑان زرگزرانی سرجزآک ودرہ، چین پاکستان اقتصادی راہداری ڈٹ انا رداٹ مچ آ ملک اٹی خصوصی اقتصادی زون جوڑ کننگ انگ ءِ دا زون تا بنداوی مسخت چینی صنعت و زرکاری ءِ اتنگ ءِ ، سی پیک نا مسخت ملک ءِ زرگزرانی و واپاری پڑتیا پاکستان نا جہانی حیثیت ءِ مستحکم کننگ آن بیدس ملک ءِ دنیا نا بڑزکو زرگزران تیٹی اوار کننگ ءِ۔