اسلام آباد۔ 19 اکتوبر (اے پی پی) نگران بنجائی وزیر حوالکاری و شینکاری مرتضیٰ سولنگی تون مسلم لیگ (ن) نا راہشون مصدق ملک و پیپلزپارٹی نا راہشون سید اخوانزادہ چٹان چارشنبے نادے آ داڑے جتا جتا اوڑدہی کریر۔ اوڑدہی تیٹی تین پہ تینی است خواہی نا امور آ گپ وتران مس۔ نگران بنجائی وزیر حوالکاری داوخت آ گپ و تران کرسا پارے کہ نگران حکومت نا بنداوی مینڈیٹ گچین کاری تیکن سازگار چاگڑد اس فراوان کننگ و گچین کاری عمل نا چاروکی ءِ کننگ ءِ، پرامن انتقال اقتدار ننا اولیت ءِ۔ اوپارےکہ نگران حکومت ساف، شفاف و بے کنڈ ہلوک گچین کاری تا اڈتننگ ءِ ممکن کیک۔
