بیجنگ۔ 19 اکتوبر (اے پی پی) نگران وزیراعظم انوارالحق کاکڑ پارینے کہ حکومت کشاری بشخ انا شونداری کن گام گیج کننگ ءِ وخت اس کہ خصوصی زرکاری سہولت کونسل اٹ ہم کشت وکشار نا بشخ ءِ اوار کننگانے۔ وزیراعظم آفس نا میڈیا ونگ آن جاری بیان نا رداٹ داخیال آتا درشانی ءِ او چائنا آئل اینڈ فوڈ سٹفس نا صدر لوآن رائیچینگ نا کماشی ٹی ڈل اتون اوڑدہی ٹی کرے۔ اوڑدہی ٹی وزیراعظم بشخ ہلوک آتے پاکستان نا کشاری بشخ انا بابت معلومدار کرے۔ وزیراعظم پارے کہ حکومت کشاری بشخ انا شونداری کن گام گیج کننگ ءِ وخت اس کہ خصوصی سرمایہ کاری کونسل اٹی ہم کشت وکشار نا بشخ ءِ اوار کننگانے۔ پاکستان نئے بیرہ کشاری پیدوار ٹی ودکی کن کوشست کننگ ءِ بلکن کشاری پیدوار نا پراسیسنگ و برآمد آتیٹی ودکی کن گام گیج کننگ ءِ۔ چائنا آئل اینڈ فوڈ سٹفس (کوفکو) نا ڈل پاکستان اٹ زرکاری ٹی بھاز است خواہی نا درشانی ءِ کرے ہرانا وزیراعظم ستاءِ کرے۔
