پاکستان مچ آ ملک اٹی انفراسٹرکچر نا شونداری کن گام گیج کننگ ءِ، نگران وزیراعظم انوارالحق کاکڑ نا اِرا چینی کمپنی تا سروک آتون اوڑدہی ٹی گپ وتران

بیجنگ۔ 19 اکتوبر (اے پی پی) نگران وزیراعظم انوارالحق کاکڑ پارینے کہ پاکستان مچ آ ملک اٹی انفراسٹرکچر نا شونداری کن گام گیج کننگ ءِ، پاکستان ءِ ٹرانزیشنل اکانومی جوڑ کننگ وملک اٹی سیل و سوات نا شونداری کن ریلوائی و روڈ انفراسٹرکچر بےکچ المی ءِ۔ وزیراعظم نا میڈیا ونگ آن جاری پریس ریلیز نا رداٹ داخیال آتا درشانی ءِ او سی ای او چائنا کمیونیکیشنز کنسٹرکشن کمپنی وانگ ہائی ہوائی و چیئرمین چائنا روڈ اینڈ برج کارپوریشن تون گپ وتران کرسا کرے ہرا پنچ شنبے نادے آ بیجنگ اٹی اوڑتون اوڑدہی کرے۔ اوڑدہی ٹی بشخ ہلوک آک سی پیک نا رداٹ سی سی سی سی و سی آر بی سی نا پاکستان اٹی برجاڈٹ آتا بارواٹی معلومدار کریر۔ بشخ ہلوک آک پاکستان اٹ انفراسٹرکچر نا تفنگ، قابل تجدید توانائی و ایلو بشخ آتیٹی تینا زرکاری ءِ ودفنگ اٹ بھاز است خواہی نا درشانی ءِ کریر۔ وزیراعظم چینی کمپنی تا پاکستان اٹ ڈٹ آتا پذیرائی ءِ کرے و اوفتا زرکاری ءِ ودفنگ اٹ است خواہی نا خیرمقدم ءِ کرے۔ وزیراعظم پارے کہ پاکستان مچ آ ملک اٹی انفراسٹرکچر نا شونداری کن گام گیج کننگ ءِ۔ اومستی پارے کہ پاکستان ءِ ٹرانزیشنل اکانومی جوڑ کننگ و ملک اٹی سیل و سوات نا شونداری کن ریلوائی و روڈ انفراسٹرکچر بے کچ المی ءِ۔ وزیراعظم چینی کمپنی تا پاکستان اٹی زرکاری ٹی ودکی ٹی است خواہی نا خیرمقدم ءِ کرے۔