بیجنگ۔19اکتوبر (اے پی پی): ادارکی مزن وزیر انوار الحق کاکڑءَ گشتگ کہ حکومت کشتء ُ کشاری پڑءِ دیمروئی ءِ ھاترءَ گامگیج چست کنگءَ اِنت، وہدے کہ حاسیں زرکاری آسراتی کونسل ءِ تہا ہم کشتء ُ کشاری پڑءَ را ہوار کنگ بوتگ۔ مزن وزیر کارگس ءِ میڈیا ونگ ءَ چہ شنگ بوتگیں بیان ءِ ردءَ اے ھیالانی درشانی آئی ءَ چائنا آئل اینڈ فوڈ سٹفس ءِ صدر لوآن رائیچینگ ءِ سروکیءَ ڈلءَ گوں گندء ُ نندءِ تہا کتگ۔ گندء ُ نندءِ تہا مزن وزیرءَ باسکاناں پاکستان ءِ کشتء ُ کشاری پڑءِ ہوالگءَ چہ سرپد کتگ۔ چائنا آئل اینڈ فوڈ سٹفس (کوفکو)ءِ ڈل ءَ پاکستان ءَ زرکاری ءِ تہا ھدوناکی ءِ درشانی کتگ کہ مزن وزیرءَ آئی ءِ سرءَ وشی ءِ درشانی کتگ۔
