بیجنگ۔19اکتوبر (اے پی پی): ادارکی مزن وزیر انوار الحق کاکڑءَ گشتگ کہ پاکستان سرجمیں ملک ءَ انفراسٹرکچر ءِ دیمروئی ءِ ھاترءَ گامگیج چست کنگءَ اِنت، پاکستان ءَ را ٹرانزیشنل اکانومی جوڑ کنگء ُ ملک ءَ سیئل ء ُ سواد ءِ دیمروئی ءِ ھاترءَ ریلوے ءُ روڈانفراسٹرکچر بازالمی اِنت۔ مزن وزیرءِ میڈیا ونگ ءَ چہ شنگ بوتگیں پریس ریلیز ءِ ردءَ اے ھیالانی درشانی آئی ءَ سی ای او چائنا کمیونیکیشنز کنسٹرکشن کمپنی وانگ ہائی ہوائی ء ُ چیئرمین چائنا روڈ اینڈ برج کارپوریشن ءَ گوں گپءُتران کنان ءَ کتگ کہ آیاں پنچ شمبے ءِ روچءَ بیجنگ ءَ گوں آیاں گندء ُ نندکتگ۔ گندء ُ نندءِ تہا باسکاں سی پیک ءِ ردءَ سی سی سی سی ء ُ سی آربی سی ءِ پاکستان ءَ استیں منصوبہ آنی ہوالگءَ سرپد کتگ۔ مزن وزیرءَ گشتگ کہ پاکستان سرجمیں ملک ءَ انفراسٹرکچر ءِ دیمروئی ءِ ھاترءَ گامگیج چست کنگءَ اِنت۔ آئیءَ گشتگ کہ پاکستان ءَ را ٹرانزیشنل اکانومی جوڑ کنگء ُ ملک ءِ تہا سئیلء ُ سواد ءِ دیمروئی ءِ ھاترءَ ریلوے ء ُ روڈ انفراسٹرکچر باز المی اِنت۔ مزن وزیرءَ چینی کمپنی آنی پاکستان ءَ زرکاری ءِ تہا گیشی کنگءِ ھدوناکی ءَ را وش اَتک کتگ۔
