بیجنگ۔19اکتوبر (اے پی پی): ادارکی مزن وزیر انوار الحق کاکڑ ءَ چین ء ُ پاکستان ءِ اُلسءِ نیام ءَ حیرء ُ وت مہ وتی ءِ جزبگءَ را پاک چین دیریگیں دوستی ء ُ اسٹریٹجک شریداری ءِ بنکی بہر لیک اِتگء ُ گشتگ کہ دوئیں ملک آنی نیامءَ نزیکی ءَ را گیش کنگءَ چہ نسل درنسل دوستی گیش بیت۔ ادارکی مزن وزیر انوار الحق کاکڑ ءَ گوں چین ءِ کمیونسٹ پارٹی ءِ بنجاہی کمیٹی ءِ میاں اوستمانی ڈیپارٹمنٹ ءِ وزیر لیوجیان چاؤ ءَ پنچ شمبے ءِ روچءَ گندء ُ نند کتگ۔ مزن وزیر ءَ چین ءِ دیمروئی ءِ تہا کمیونسٹ پارٹی ءِ بنکی کرد ءَ را ہم ساڑاتگ۔ مزن وزیر ءَ گشتگ کہ چین ء ُ پاکستان ءِ اُلس ءِ نیام ءَ استیں حیرءُ وت مہ وتی ءِ جزبگ ءَ را پاک چین دیریگیں ء ُ اسٹریٹجک شریداریءِ بنجاہی بہر اِنت۔ مزن وزیر انوار الحق کاکڑ ء ُ لیوجیان چاؤءَ اُلس، کانود ساز اسمبلی ،سیاسی پارٹی، اسکالرز، میڈیا ، ورناہ، زالبول ءُ تھنک ٹینکس ءِ نیامءَ نزیکی ءَ گیش کنگءِ سرءَ گپء ُترا ن کتگ۔ لیوجیان چاؤ ءَ گشتگ کہ مزن وزیرءِ چین ءِ ترء ُ تاب، پاکستان ء ُ چین ءِ نیام ءَ حاسیں دوستی ءِ دود ءِ عکس اِنت۔ آئیءَ چینی کمیونسٹ پارٹی ءِ پاکستان ء ُ چین ءِ سیادی ءَ را ترندء ُ محکم کنگءَ جزم ءِ درشانی کتگ۔
