بیجنگ۔19اکتوبر (اے پی پی): ادارکی مزن وزیر انوارالحق کاکڑ ءَ گشتگ کہ پاکستان ءَ زرکاری ءَ را ارزان کنگءِ ھاترءَ حاسیں زرکاری آسراتی کونسل جوڑ کنگ بوتگ ء ُ حکومت زرکاراناں ہرچ بوہوکیں آسراتی سرکنت۔ اے ھیالانی درشانی آئی ءَ چین ءِ ترء ُتاب ءِ وہدءَ مِن میٹلز ءِ چیئرمین وینگ ژولیانگ ء ُ میٹالرجیکل ءَ را آپریشن آف چائنا چن جیانوانگ ءَ گوں گپء ُتران کنان ءَ کتگ کہ آیاں پنچ شمبے ءِ روچءَ یکے دومی ءَگوں گندءُ نندکتگ۔ گندء ُ نندءِتہا پاکستان ءَ کان کنی ء ُ معدنیاتءِ پڑءَ زرکاری ءِ ہوالگءَ گپء ُتران کنگ بوتگ۔ دوہیں کمپنی آں پاکستان ءَ زرکاری کنگءِ سرءَ ھدوناکی ءِ درشانی کتگ۔ مزن وزیر ءَ باسکاناں حکومت ءِ بیپار دوستیں پالیسی آنی ہوالگءَ سرپد کتگ۔ مزن وزیرءَ باسکاناں حاسیں زرکاری آسراتی کونسل ءِ ہوالگءَ سرپد کتگء ُ گشتگ کہ حکومت ” ہول آف دی گورنمنٹ اپروچ” ءِ ردءَ پاکستان ءَ زرکاری ءَ را گیش کنگءِ ھاترءَ گامگیج کنگ ءَ اِنت۔
