بیجنگ۔19اکتوبر (اے پی پی): ادارکی مزن وزیر انوار الحق کاکڑ ءَ چین ءُ پاکستان ءِ الس آنی نیام ءَ وش اتکی جوزگ آناں پاک چین دوستی ءُ اسٹریٹجک شریکداری آنی بنجاھ نامینت ءُ گوشت کہ دوئیں ملک آنی نیام ءَ رابطہ، ودینگ ءَ چہ نسل در نسل دوستی آناں دیمروئی رسیت۔ اد ارکی مزن وزیر انوارالحق کاکڑ ءَ چہ چین ءِ کمیونسٹ پارٹی ءِ بنجاھی کمیٹی ءِ میاں اوستمانی ڈیپارٹیمنٹ ءِ وزیر لیوجیان چاؤ ءَ پنچ شمبے ءِ روچ ءَ ادار گند ءُ نند کت۔ مزن وزیر ءَ پاکستان ءِ نیام ءَ کوھنیں تاریخی یکوئی آنی تران ءَ کنان ءَ چین ءِ کمیونسٹ پارٹی ءِ پاک چین یکوئی ءُ وت مہ وتی یکوئی آناں ودینگ ءَ کرد آناں ساڑات۔ مزن وزیر ءَ چین ءِ دیمروئی کمیونسٹ پارٹی ءِ کلیتی کرد آنی ھم توسیپ کت۔ مزن وزیر ءَ گوشت کہ چین ءُ پاکستان ءِ الس آںی نیام ءَ وش اتکی جوزگ آناں پاک چین دوستی ءُ اسٹریٹیجک شریکداری ءِ بنجاھی نکان انت۔ مزن وزیر انوار الحق کاکڑ ءُ لیو جیان چاؤ ءَ الس، کانود جوڑیشتی اسمبلی ، سیاسی پارٹی ، اسکالرز، میڈیا، ورنا ، زالبول ءُ تھنک ٹینک س آنی نیام ءَ رابطہ آنی دیمروئیءَ ترا ن کت۔ اے رابطہ پاکستان ءُ چین ءِ نیام ءَ نسل در نسل دوستی آنی دیمروئی ءَ را دل یکیمی جوڑ کنت۔ لیو جیان چاؤ ءَ گوشتگ کہ مزن وزیر ءِ چین ءِ تر ءُ تاب، پاکستان ءُ چین ءِنیام ءَ ھاسیں دوستی ءِ روایت آنی آدینک انت۔ آئی ءَ چینی کمیونسٹ پارٹی ءِ پاکستان ءُ چین ءِ یکوئی آںاں مھکمیں کرد جاڑ دارگ ءِ جزم ءِ درشان کت۔
