اسلام آباد۔ 18 اکتوبر (اے پی پی) چیئرمین سینیٹ محمد صادق سنجرانی غزہ نا پٹی ٹی الاہلی ہسپتال آ ظالمانہ اسرائیلی فضائی جلہو نا ترندی اٹ مذمت ءِ کرسا اودے جارحیت و بے رحمانہ عمل اس گوندانے۔ سینیٹ سیکرٹریٹ نا کنڈآن جاری بیان نا رداٹ چیئرمین سینیٹ پارے کہ بے گناہ شاری، ہسپتال و اقوام متحدہ نا بست وبند اٹی اسکول ءِ رزاک اٹ شست کننگ جنگی ڈوہ اسے ، دا عمل صیہونی دہشت گرد ریاست اسرائیل نا خارتس بربریت ءِ بے نقاب کیک۔ اوپارے کہ جہانی برادری دمدستی وڑاٹ دا گندہ انگا و وحشیانہ ظلم انا برخلاف بایدے اسٹ مریر۔ فلسطینی الس نا آجوئی نا تغ بھاز زوت پورو مریک۔
