اسلام آباد۔ 18 اکتوبر (اے پی پی) نگران بنجائی وزیر حوالکاری و شینکاری مرتضیٰ سولنگی پارینے کہ حکومت پاکستان و نگران وزیراعظم انوارالحق کاکڑ نا فلسطین نا ویل و فلسطیی الس خاص وڑاٹ غزہ نا شاری تا نسل کشی آ دوٹوک، پدریسہ و پیدوار موقف ءِ۔ چارشنبے ناد ے آ تینا ٹویٹ اٹی اوپارے کہ پاکستان جدہ کانفرنس نا محرک آتیان اسٹ ءِ، ننا نگران وزیرخارجہ دا وخت آ بیجنگ اٹی ضرورت مننگ آن پد ہم او آئی سی دیوان اٹی پاکستان نانمائندگی ءِ کیک۔ اوپارے کہ نگران وزیراعظم مہالو آن فلسطین نا ویل ءِ اقوام متحدہ نا سیکرٹری جنرل تون اوار بیجنگ اٹی ساڑی آ جہانی راہشون آتا مون آ ہرفینے۔ اوپارے کہ اقوام متحدہ ٹی ننا آخبتی نمائندہ ہم دا باندات آ متحرک وڑاٹ توار بڑز کننگ ءِ۔ نگران بنجائی وزیر پارے کہ پاکستان نا دا موقف پاکستان و پیشن ناملک خبرآتیٹی تالان ہم مسنے۔
