راولپنڈی۔ 18 اکتوبر (اے پی پی) پاکستان چارشنبے نادے آ سلہہ غاتا نظام ابابیل ویپن سسٹم نا سرسہب آزموندہ اس کرینے، میزائل سسٹم نا آزموندہ نا مسخت تینا ڈیٹرنس ءِ سوگو کننگ ءِ۔ آئی ایس پی آر نا رداٹ دا آزموندہ نا مسخت نا جتا ڈیزین، تکنیکی پیرامیٹرز و سلہہ غاتا نظام نا چندی ذیلی نظام تا کارکڑد نا جاچ ءِ ہلنگ ئس۔ میزائل سسٹم نا مسخت ڈیٹرنس ءِ سوگو کننگ و فل اسپیکٹرم ڈیٹرنس نا آپریشنلائزیشن نا کمک اٹ ڈیہہ اٹی اسٹریٹجک فورسز کمانڈ نا سینئر آفیسر، سٹریٹجک ادارہ غاتا سائنسدان و انجینئر آک سرسہب آزموندہ نا مشاہدہ ءِ کریر۔ چیئرمین جوائنٹ چیفس آف اسٹاف کمیٹی دا سرسہب آزموندہ ٹی تکنیکی لائخی، لگن و عزم انا ستا ءِ کرے۔ صدر مملکت، وزیراعظم و سروسز چیفس ہم دا سرسہبی آ سٹریٹجک فورس آتا غٹ باسک آتے مبارکبادی تسر۔
