اسلام آباد۔ 18 اکتوبر (اے پی پی) صدر مملکت ڈاکٹر عارف علوی اسرائیل نا کنڈآن سنگین جنگی ڈوہ انا ارتکاب آ گڑتی نا درشانی ءِ کرسا پارینے کہ اسرائیل اسہ ہسپتال اسے آ جلہو کرسا غٹ جہانی و اخلاقی اصول آتے لتاڑا۔ چارشنبے نادے آایوان صدر نا پریس ونگ آن جاری بیان نا رداٹ صدر مملکت ڈاکٹر عارف علوی غزہ ٹی ہسپتال آ وحشیانہ اسرائیلی فضائی جلہو اٹی زالبول و چناتتون اوار سد آ بندغ آتا زوال کننگ نا واقعہ نا مذمت ءِ کرے۔ صدر مملکت نا اسرائیلی فضائی جلہو اٹی کودک جان تا است ہسون نسخان آ تینا است ہسونی نا درشانی ءِ کرے۔ صدر مملکت پارےکہ اسرائیل شاری آبادی و جان جوڑی نا آسراتی تے بلاامتیاز شست کننگ ءِ جہانی برادری اسرائیل ءِ اونا جنگی ڈوہ تیا جوابدہ گوندے و اسرائیلی بمباری و غزہ نا برجا گھیڑ ءِ دمدستی وڑاٹ توننگ کن دمدستی گام گیج کے۔
