بیجنگ۔ 18 اکتوبر (اے پی پی) نگران وزیراعظم انوارالحق کاکڑ چارشنبے نادے آبیجنگ اٹی اڈ ہلوک مسٹ میکو بیلٹ اینڈ روڈ فورم اٹی بشخ ہلک و جہانی راہشون آتون اوڑدہی تیٹی وزیراعظم کودک فلسطینی تا برخلاف غاصب اسرائیل نا جنگی ڈوہ ءِ توننگ کن اقوام متحدہ و جہانی واکدار آتیان دمدستی وڑاٹ اسرائیل نا کنڈآن کودک فلسطینی تا لس کشت وخون ءِ توننگ کن تینا کڑد ءِ ادا کننگ نا خواست کرے۔ وزیراعظم آفس نا میڈیا ونگ آن جاری پریس ریلیز نا رداٹ وزیراعظم اقوام متحدہ نا سیکرٹری جنرل تون غزہ ٹی برجااسرائیلی جارحیت نا نتیجہ ٹی ودی مروک آ حالیت آتیا سرجم گپ وتران کرے۔ وزیراعظم فورم اٹی شریک جہانی راہشون آتون غیررسمی اوڑدہی کرے۔ وزیراعظم سیکرٹری جنرل اقوام متحدہ انتونیوگوتریش تون اوڑدہی کرے۔ اوڑدہی ٹی ہڑتوم آ راہشونک جہانی و علاقائی امور آ سرجمی اٹ گپ وتران کریر۔ وزیراعظم اسرائیل نا کنڈآن غزہ ہسپتال آ جلہو و اسہ دے اٹی جلہو آتیٹی 500 فلسطینی تا شہیدی ءِ ا ست ہسون و انسانی حق انا خلاف ورزی گوندا۔ وزیراعظم کودک فلسطینی تیا اسرائیلی جلہو آتا پبی مذمت ءِ کرے و دمدستی جنگ بندی اتون اوار اوار زہمی تسکان امدادنا فراوانی آ زور شاغا۔ وزیر اعظم کودک فلسطینی تا برخلاف غاصب اسرائیل نا جنگی ڈوہ تے توننگ کن اقوام متحدہ و جہانی واکدار آتیان دمدستی وڑاٹ اسرائیل نا کنڈآن کودک فلسطینی تا لس کشت وخون ءِ توننگ کن تینا کڑد ءِ ادا کننگ نا خواست کرے۔
