بیجنگ۔ 18 اکتوبر (اے پی پی) نگراں وزیراعظم انوارالحق کاکڑ چارشنبے نادے آبیجنگ اٹی اڈہلوک آ مسٹ میکو بیلٹ اینڈ روڈ فورم (بی آرایف) جہانی کمکاری ٹی بشخ ہلک۔ بی آر ایف نا بڑزکو کہول انا فورم آن ’’ آجو جہانی زرگزران اٹ رابطہ غاتااہمیت ‘‘ نا سرحال آ فورم آن تران کرسا نگران وزیراعظم مسٹ میکو بی آر آئی فورم نا سرسہب اڈتننگ آ چینی سرکڑدہ غاتے مبارکبادی تس۔ اواسیجائی آخبت و بیلٹ اینڈ روڈ انیشی ایٹیو نا جہانی کمیونٹی نا صدر شی نا وژن نا ستاءِ کرے ہرا جہانی رابطہ، اسیجائی شونداری و اسیجائی شونہالی کن بھاز اہمیت تخک۔ اوصدر شی جن پنگ نا منظرنامہ غا بروک آ ہفت ٹکی ایجنڈانا مخ تفی ءِ ہم کرے۔ بی آر آئی نا فلیگ شپ ڈٹ انا وڑاٹ چین پاکستان اقتصادی راہداری (سی پیک) تینا 10 می سال دے ءِ اڈتننگ ءِ۔ نگران وزیراعظم کاکڑ پاکستان اٹ پوسکن آ اقتصادی وارخواہی ودی کننگ اٹ سی پیک نا اہم کڑد ءِ تالان کرے۔ پاکستان نا سوگو اقتصادی شونداری کن اونا اہمیت ءِ تالان کرسا اوسی پیک ءِ شونداری، پوسکنی، ذریعہ معاش، سوز زرگزران ، آجو و جامعیت نا راہداری نا چینی سلاہ ءِ پک کرے۔ وزیراعظم بنی نوع انسان ءِ مون تروک پیچیدہ جہانی چیلنج آتون مون تننگ و اقوام متحدہ نا پائیدار شونداری نا ہدف و2030 نا ایجنڈا نا رداٹ دوئی مرو ک آ سرسہبی تیٹی اڑاند آتے مر کننگ کن امنائی جہانی ردعمل نا گرج آ زور شاغا۔ اونقل و حمل، توانائی و ڈیجیٹل زرگزران اٹ زرکاری کرسا پدتموک دنیا ٹی بنداوی پنجر نا خلاءِ مر کننگ نا دمدستی گرج آ زور شاغا۔
