بیجنگ۔18اکتوبر (اے پی پی):چین ءِ صدر شی جن پنگ ءَ گوشتگ کہ “بیلٹ اینڈ روڈ” کمک آں منصوبگ بندی ءَ را گواچنی رنگ ءَ مٹ کنان ءَ میاں اوستمانی کمک آنی تہ ءَ جوانیں برورد در جتگ۔ گوستگیں 10 سال آنی تہ ءَ ، اقتصادی راہداری ءِ جوڑیشت ءِ رد ءَ ٹوھیں جیڈھ ءُ انفارمیشن ہائی ویز آناں ارزشت دیان ءَ ریلوے، دگ ، بالی پٹ ، دکہ ءُ پائپ لائن نیٹ ورکس آنی وسیلگ ءَ جتا جتائیں ملک آنی نیام ءَ چیزچ، سرمایہ، ٹیکنالوجی ءُ ٹوھیں کساس ءَ دیمروئی داتگ۔ اے ھیالانی درشانی آئی ءَ چار شمبے ءِ روچ ءَ بیجنگ ءِ سیمی بیلٹ اینڈ روڈ فورم برائے میاں اوستمانی کمک آنی بنگیجی دیوان ءَ گوں گشتانک دیان ءَ کت۔ چینی صدر شی جن پنگ ءَ اے گپ ءِ سر ءَ زور پر دات کہ “بیلٹ اینڈ ر وڈ” ءِ یکجائی جوڑیشت، یکجائی دیمروئی ءُ باج برئی آنی رد ءَ کمک آناں دیمروئی دیگ ءَ انت۔ ما لیکہ آنی گہگیری، جغرافیائی سیاسی گیمز، بلاک سیاسی جنگ ، یک نیمگی بندش ، معاشی جبر ءُ “ڈی کپلنگ” ءِ ھچ رنگ ءَ بھر نہ باں۔ وتی گشتانک ءَ شی جن پنگ ءَ ” بیلٹ اینڈ روڈ” ءِ مزن کد ءُ بالاد ءِ یکجائی جوڑیشت ءِ کمک ءِ واستہ چین ءِ ھشت گامگیج ءِ جار جتگ۔ ایشانی تہ ءَ بیلٹ اینڈ روڈ ءِ واستہ سئے بھری رابطہ نیٹ ورک ءِ جوریشت، پچیں ءُ میاں اوستمانی معیشت جوڑ کنگ کمک، پکوئی کمک، ماحول دوستیں دیمروئی، سائنسی ءُ تکنیکی زوراکی، جتا جتائیں ملک آنی الس آںی نیام ءَ رابطہ ، کرپشن ءَ پاکیں کشک ءُ “بیلٹ اینڈ روڈ” میاں اوستمانی کمک آنی میکانزم ءَ را گہتر جوڑی کنگ ھوار انت۔ شی جن پنگ ءَ گوشتگ کہ کورونا وائرس ءِ میاں اوستمانی تک ءَ شنگ ءُ تالانی ءَ چہ ” بیلٹ اینڈ روڈ” زندمان ءُ جان سلامتی ءِ کشک جوڑ بوتگ۔ چین ءَ جتا جتائیں ملک آناں اربانی ماسک ءُ ویکسین ءِ 2 ارب 30 کروڑ وردن ءُ وراک ءِ پجاری کتگ۔ ءُ 20 ءَ چہ گیش ملک آنیگ وما ویکسین تیار کنگ ءَ کمک کتگ۔ ایشی ءَ چہ بیلٹ اینڈ روڈ ءَ گوں بندوکیں شریکدار آنی واستہ ھوپ ءِ ھلاپ ءَ جوانیں کرد ءِ پیلو کتگ۔ چین ءَ ھوپ باز بوتگ ءُ ایشرا 70 ءَ چہ گیش ملک آنی نیمگ ءَ چہ لائک ءِ کمک رستگ۔ شی جن پنگ ءَ گوشتگ کہ ما گوں دل ءِ جھلانکاں پھماں کہ ایوقک ءَ یکجائی سیت آنی رد ءَ کمک آں چاں ما جوانیں آسر در جت کناں۔ 10 سالی تاریخ ءَ سہرا کتگ کہ بیلٹ اینڈ روڈ ءِ یکجائی جوڑیشت تاریخ ءِ راستیں گچین انت ءُ زمانگ ءِ دیمروئی ءِ رد ءَ انت۔
