سانحہ کارساز نا شہید جیالہ کارندہ غاک تینا جون تے ندر کرسا جمہوریت ءِ سوگوی تسر ہرافتا قربانی تے اسُل است آن دننگ مفک، پاکستان پیپلزپارٹی زالبول ونگ بلوچستان نا صدر غزالہ گولہ ، جنرل سیکرٹری زرینہ زہری

کوئٹہ۔ 17 اکتوبر (اے پی پی)پاکستان پیپلزپارٹی زالبول ونگ بلوچستان نا صدر غزالہ گولہ ، جنرل سیکرٹری زرینہ زہری سانحہ کار ساز اناشہید آتے جوان انگالوز آتیٹی خراج عقیدت پیش کرسا پارینے کہ سانحہ کارساز نا شہید جیالہ کارندہ غاک تینا جون تے ندر کرسا جمہوریت ءِ سوگوی تسر ہرافتا قربانی تے اسُل است آن دننگ مفک۔ سانحہ کار ساز نا برسی نا وخت آ تینا اسہ اسیجائی کلہو اسے ٹی اوفک پاریر کہ جمہوریت نا بنداو تیٹی ننا سرکڑدہ و کارندہ غاتا دتر اوار ءِ اینونادے شہید بی بی و اونا جانثارآک آمر نا مقابلہ ءِ کریر نن جون ترسا میدان اٹی سلیسن۔ آمر آک مدام مریس اقتدار نا خاطر جمہوریت پسند آتا دترءِ وہیفینو، پی پی پی نا سرکڑدہ و کارندہ غاک ہرآمریت نا برخلاف دترنا نذرانہ تسر ننا مزل ہندن ءُ پاکستان اسے ہراڑے بے پرخ رنگ، نسل ، مذہب و جنس غٹ پاکستانی بریبر مریر، چیئرمین بلاول بھٹو نا کماشی ٹی ترقی پسند و روشن خیال پاکستان نا کنڈآ سفر برجاءِ۔ اوپارے کہ ہژدہ اکتوبر جمہوریت نا سفر اٹی مزل نا حیثیت تخک دادے پاکستان پیپلزپارٹی نا لکھ آ کارندہ غاک شہید گودی بینظیر بھٹو نا وطن آ پدی بننگ آ بخیر کرسا و داسانحہ ٹی پیپلزپارٹی نا سد آ کارندہ غاک تینا جون تے ندر کرسا داپک کریر کہ نن ملک اٹی جمہوریت آن بیدس پین ہچ ءُ نظام اس خواپنہ۔ اوفک پاریر کہ آمرآک مدام جمہوریت ءِ لتاڑنگ نا کوشست کرینو ولے پاکستان نا غیرتی الس اوفتیا وخت اس ہم پت کتنے۔ اوفک پاریر کہ پاکستان پیپلزپارٹی نا کارندہ غاک نئے وخت اس زندان تا پورا ءِ کریر و کوڑہ کُننگ اٹ پدی مسنو بلکن تینا جون تے ندر کرسا اوفک تینا دتراٹ جمہوریت نا نیال اس خلکنو اینو پاکستان اٹ جمہوری قدر انا پاسداری بیرہ پاکستان پیپلزپارٹی نا مرہون منت ءِ۔ اوفک پاریر کہ ہژدہ اکتوبر نا دے قومی سانحہ نا وڑاٹ یات تخنگک ہراتم پاکستان نا نرزور مسڑ شہید بی بی تینا جون نا پرواہ ءِ کپرسا وطن نا مش تیا گام ءِ تخا و آمرآتے آجو کلہو تس کہ نن کس اسے آن خلوک ءُ افن ۔ اوفک سانحہ کارساز نا شہید آتے زبردست لوز آتیٹی خراج عقیدت پیش کریر۔