بیجنگ۔ 17 اکتوبر (اے پی پی) نگراں وزیراعظم انوارالحق کاکڑ چین نا صدر شی جن پنگ نا کنڈآن جہانی راہشون تا اعزاز اٹی تروک آ سُوارہ ٹی بشخ ہلک۔ وزیراعظم آفس نا میڈیا ونگ آن جاری بیان نا رداٹ نگراں وزیراعظم صدر شی جن پنگ نا کنڈآن مسٹ میکو بیلٹ اینڈ روڈ فورم اٹی شریک جہانی راہشون تیکن تروک آ سُوارہ ٹی بشخ ہلنگ کن گریٹ ہال آف پیپلز آ …
نگران وزیراعظم انوارالحق کاکڑ چینی صدر شی جن پنگ نا کنڈآن جہانی راہشون تا اعزاز اٹی تروک آ سُوارہ ٹی بشخ ہلک
بیجنگ۔ 17 اکتوبر (اے پی پی) نگراں وزیراعظم انوارالحق کاکڑ چین نا صدر شی جن پنگ نا کنڈآن جہانی راہشون تا اعزاز اٹی تروک آ سُوارہ ٹی بشخ ہلک۔ وزیراعظم آفس نا میڈیا ونگ آن جاری بیان نا رداٹ نگراں وزیراعظم صدر شی جن پنگ نا کنڈآن مسٹ میکو بیلٹ اینڈ روڈ فورم اٹی شریک جہانی راہشون تیکن تروک آ سُوارہ ٹی بشخ ہلنگ کن گریٹ ہال آف پیپلز آ سرمس ہراڑے چینی صدر شی جن پنگ و زالبول اول پانگ لی یوان نگران وزیراعظم ءِ بخیر کریر۔ نگران بنجائی کابینہ نا وزیر آک ہم نگران وزیراعظم تون اوار سُوارہ ٹی ساڑی ئسر۔ گریٹ ہال آف پیپلز اٹی اڈ ہلوک دا سُوارہ ٹی روس، کینیا، ایتھوپیا، منگولیا، ہنگری، سری لنکا، قزاقستان، ازبکستان ، پاپوانیوگنی، موزمبیق، چلی و ایلو جہانی راہشونک بشخ ہلکر۔ نگران وزیراعظم سُوارہ ٹی شریک ایلو جہانی راہشون آتون غیررسمی اوڑدہی ہم کرے۔
