اسلام آباد۔ 17 اکتوبر (اے پی پی) وزیرخارجہ جلیل عباس جیلانی پگہ چارشنبے نادے آ سعودی عرب نا شار جدہ ٹی اسلامی کمکار تنظیم نا ہلہلہ ئی وزارتی دیوان اٹی بشخ ہلیک۔ دفترخارجہ نا کنڈآن سے شنبے نادے آ جاری بیان نا رداٹ وزیرخارجہ جلیل عباس جیلانی اسلامی کمکار تنظیم او آئی سی نا 18 اکتبر آ جدہ سعودی عرب اٹی اڈ ہلوک آ او آئی سی نا ایگزیکٹیو کمیٹی …
وزیرخارجہ جلیل عباس جیلانی پگہ چارشنبے نادے آ جدہ ٹی او آئی سی نا ہلہلہ ئی وزارتی دیوان اٹی بشخ ہلیک
اسلام آباد۔ 17 اکتوبر (اے پی پی) وزیرخارجہ جلیل عباس جیلانی پگہ چارشنبے نادے آ سعودی عرب نا شار جدہ ٹی اسلامی کمکار تنظیم نا ہلہلہ ئی وزارتی دیوان اٹی بشخ ہلیک۔ دفترخارجہ نا کنڈآن سے شنبے نادے آ جاری بیان نا رداٹ وزیرخارجہ جلیل عباس جیلانی اسلامی کمکار تنظیم او آئی سی نا 18 اکتبر آ جدہ سعودی عرب اٹی اڈ ہلوک آ او آئی سی نا ایگزیکٹیو کمیٹی نا ہلہلہ ئی وزارتی دیوان اٹی شریک مریک۔ دادیوان اسلامی کمکار تنظیم غزہ نا تنکی و ہموجاگہ نا محصور شاری تا انسانی حالیت آتا جاچ ءِ ہلنگ کن بٹنگانے۔ جلیل عباس جیلانی وزارتی دیوان اٹی غزہ نا سنگین انسانی حالیت آتیا پاکستان نا گڑتی تے پیش کیک۔ وزیرخارجہ دیوان اٹی جنگ بندی، گھیڑ ءِ چٹفنگ و غزہ نا الس ءِ امداد نا فراوانی نا دمدستی گرج آ زور شاغک۔ داوخت آ وزیر خارجہ او آئی سی نا ایلو باسک ملک آتا تینا ہم منصب آتون ہم اوڑدہی کیک۔
