چین پاکستان تون ہرمشکل وخت اٹی تفینے، نگران وزیراعظم انوارالحق کاکڑ نا گرینڈ ویوانسٹیٹیوٹ نا صدر تون اوڑدہی ٹی گپ وتران

بیجنگ۔ 17اکتوبر(اے پی پی) نگران وزیراعظم انوارالحق کاکڑ پارینے کہ چین ، پاکستان نا متکن آ سنگت ءِ ہراپاکستان تون ہر مشکل وخت اٹی تفینے۔ سے شنبے نادے آ وزیراعظم آفس نا میڈیا ونگ آن جاری پریس ریلیز نا رداٹ دورہ ءِ چین اٹی وزیراعظم تون گرینڈ ویوانسٹیٹیوٹ نا صدر رین ۔لیبوبیجنگ اٹی اوڑدہی کرے۔ وزیراعظم گپ وتران کرسا پارے کہ چین، پاکستان نا متکن آ سنگت ءِ ہراپاکستان تون ہرمشکل وخت اٹی تفینے۔ وزیراعظم ہڑتوم آ ملک آتا نیام اٹ تعلیم وپٹ وپول نا بشخ اٹی کمکاری ءِ ستاکڑزوک گوندا۔ وزیراعظم مستی پارے کہ پاکستان چین اتون ہر زند انا بشخ اٹی تبادلہ غاتے قدر انا نظر اٹ ہرک و تین پہ تینی ہن و بر آن زیات آن زیات فائدہ ہرفنگ نا خواہندار ءِ۔