گریبی ءِ اندر ءَ کمی  آرگ  ءِ واستہ  سیاسی ءُ  معاشی   برجائی  المی  انت،  سپیکر  راجی اسمبلی راجہ  پرویز  اشرف

اسلام آباد۔17اکتوبر  (اے پی پی):سپیکر  راجی اسمبلی  راجہ  پرویز  اشرف  ءَ گوشتگ کہ  گریبی ءِ ھلاسی  ءُ   گریبی  ءِ اندر ءَ کمی  آرگ ءِ واستہ  سیاسی ءُ معاشی  برجائی المی انت،  انشاء اللہ  مئے  یکجائی کوشست   آں چہ  پاکستان   ءِ  شمار  زور  وشھال، ایمن  ءُ دیمروئی  کنوکیں ملک آنی اند ر ءَ بیت۔ سئے شمبے ءَ راجہ پرویز اشرف  ءَ  گریبی ءِ ھلاسی ءِ  میاں اوستمانی   روچ ءِ موہ ءَ وتی کلوہ ءَ گوشت کہ  گریبی  میاں اوستمانی  راج   ھاسیں  رنگ  ءَ  نوک دیمروئی کنوکیں ملک آنی بنیاتی  ءُ    ٹوھیں جیڈھ  ات۔  سرجمیں دگنیا ءَ مردم آنی  مزنیں کساس  ءِ  گریبی ءِ لکیر  ءِ   چیر ءَ   زندمان  گوازینگ ءَ انت  ۔  میاں  اوستمانی معیشت  ءِ  ھرابیں جاور ھال  ءُ گران بھائی   ءِ   تہءَ گیش  گیشی   کتگ۔  آئی    ءَ گوشت کہ  ھساب ءُ داد آںی رد ءَ پاکستان ءَ گوستگیں   دھ  سال ءَ چہ   گریبی  ءِ تہ ءَ  کمی  بوتگ۔   بزگریں مردم آنی واستہ   بے نظیر  انکم سپورٹ  پروگرام   یک نعمتے ءَ چہ کم نہ انت۔   راجہ پرویز  اشرف ءَ گوشت   کہ   گریبی  ءِ اندر ءَ کمی  آرگ  ءِ وستہ سیاسی ءُ معاشی  برجائی  المی انت۔  وانگ ءُ زانگ    جان سلامتی   ءِ بنیاتی آسراتی   ءِ پجاری  ءِ   ھوالگ ءَ سرجمیں دلگو شی  دیگ ءَ چہ  گریبی ءِ اندر ءَ کمی  بوت کنت۔