نیشنل ہائی وے اتھارٹی زوت سی پیک ڈٹ انا رداٹ رتوڈیرو۔گوادر موٹروے(ایم8) نا آواران۔نال سیکشن و نیشنل ہائی وے 50(این15) نا ژوب۔قلعہ سیف اللہ سیکشن آ تعمیراتی کاریم نا بناءِ کیک

اسلام آباد۔ 16 اکتوبر (اے پی پی) چین پاکستان اقتصادی راہداری (سی پیک) ڈٹ انا رداٹ نیشنل ہائی وے اتھارٹی (این ایچ اے) زوت رتوڈیرو۔گوادر موٹروے(ایم 8) نا آواران۔ نال سیکشن و نیشنل ہائی وے 50(این 50) نا ژوب۔ قلعہ سیف اللہ سیکشن آ تعمیراتی کاریم نا بناءِ کیک۔ این ایچ اے کمامدارآتا رداٹ ایم 8 نا 168 کلومیٹر مریس آواران۔نل سیکشن نا ہرمسٹ آ پیکج آتیا کاریم نا بناءِ کننگک۔ آواران۔ نال ایم ۔ 8 موٹروے نا آخیریکو لنک ءِ ہرا پشاور۔ کراچی موٹروے ءِ صوبہ سندھ اٹی سکھر ناخڑک گوادر تون گنڈک۔ ایم ایٹ نا 146کلومیٹر مریس ہوشاب آواران سیکشن آ کاریم مہالو آن برجاءِ۔ ایلو اہم سڑک فعال ءِ۔ این ایچ اے ژوب و قلعہ سیف اللہ نا نیام اٹ این 50 ہائی وے نا مسہ بشخ آتا ٹھیکہ تسنے و زوت فزیکل ورکس کن ٹھیکیدار آتے متحرک کننگک۔ قلعہ سیف اللہ و کوئٹہ نا خڑک کچلاک نا نیام اٹ این 50 نا اِراپیکج آتیا تعمیراتی کاریم مہالو آن برجاءِ ۔ این۔ 50 ہکلہ۔ ڈی آئی خان موٹروے تون منسلک کننگک۔ ایم 14 پشاور و اسلام آباد ءِ گوادر تون ملفنگ کن اسہ پین روٹ اس فراوان کیک ہرادے دیکی روٹ انا پن اٹ چاہنگک۔ کراچی کوئٹہ چمن ہائی وے (این 25) نا کوئٹہ خضدار پیکج آ کاریم برجاءِ۔ کراچی۔ خضدار و کوئٹہ۔ چمن سیکشن تیکن پی سی ون نا ہم منظوری ءِ تننگانے و فنڈ آتا دستیابی آن پد ڈٹ آتیا عملدرآمد کننگک۔ این 25 کراچی ءِ چمن بارڈر نا کمک اٹ اوغانستان تون ملفک۔ دا خضدار اٹی اہم ایٹ موٹروے ءِ ہم ملفک و داوڑ گوادر ءِ اوغانستان تون ہم گنڈک۔