نصاب اٹی خاہوتی ڈٹ بندی ءِ اوارکروئی مریک، ڈاکٹر ندیم جان

اسلام آباد۔ 16 اکتوبر (اے پی پی) بنجائی نگران وزیرقومی جان جوڑی ڈاکٹر ندیم جان پارینے کہ ننے نصاب اٹی خاہوتی پلاننگ ءِ اوار کروئی مریک، ننا وزارت اٹی وسیلہ غاتے سہی کاریم اٹ اتنگ انگ ءِ۔ داخیال آتا درشانی ءِ او دوشنبے نادے آ وزارت جان جوڑی نا کنڈآن آل پاکستان زالبول کنونشن خاہوتی ڈٹ بندی آن تران کرسا کرے۔ ڈاکٹر ندیم جان پارے کہ پالیسی لیول آ ننا وزارت نمبر ون منسٹری ءِ۔ ننا وزارت اٹی وسیلہ غاتا سہی کار و درست کاریم اٹ اتنگ انگ ءِ۔ اوپارے کہ ننے تینا نصاب اٹی خاہوتی پلاننگ ءِ اوار کروئی مریک۔ دا چرجوئی ٹی آن لائن کورس اسہ جوان ءُ گام اسے۔ اوپارے کہ خاہوتی ڈٹ بندی یا فیملی پلاننگ ہم انسانی حق اٹی بریک۔ نن زالبول آتا شناخت نا بابت کمک کینہ۔ ننتون 89 ہزار لیڈی ہیلتھ ورکرءُ، زوت 1 لکھ 50 ہزار اسکان اوفتے کینہ، ننا پولیو ہیلتھ ورکرآک جان ءِ دلدست آ تخسا اُرااُراغا کارہ۔ اوپارے کہ فیملی پلاننگ نا مہم اٹی کمیونٹی والنٹیئرز ءِ ہم اوار کینہ وخت اس کہ لیڈی ہیلتھ ورکرآتے اواری چلینگوئی ءِ، ننا داپروگرام نا دنیا ستاءِ کیک۔