’’بیلٹ اینڈ روڈ انیشی ایٹیو‘‘ نا اسیجائی تفنگ دنیا ٹی پوسکن ءُ پبی ءُ بدلی ودی کرے، چین 150 آن زیات ملک آتون معاہدہ کرینے

اسلام آباد۔ 16 اکتوبر (اے پی پی) مسٹ میکو بیلٹ اینڈ روڈ فورم جہانی کمکاری مچ آ دنیا نا 140 آن زیات ملک و 30 آن زیات جہانی تنظیم تے اسہ کنڈآ متوجہ کرینے۔ چینی خبررساں ادارہ نا رداٹ تدوک آ 10 سال اٹی ’’بیلت اینڈ روڈ انیشی ایٹیو‘‘ نا اسیجائی تفنگ دنیا ٹی پوسکن پبی ءُ بدلی ایسنے۔ تدوک آ 10 سال اٹی ’’بیلٹ اینڈ روڈ‘‘ 3،000آن زیات کمکاری نا ڈٹ جوڑ کرینے، ہرافتیان کھرب آ ڈالر نا زرکاری مسنے۔ جون 2023 نا ایسر اسکان چین 150 آن زیات ملک و 30 آنزیات جہانی تنظیم آتون 200 آن زیات کمکاری نا دستاویز آتیا دستخط کرینے۔ ورلڈ بینک نا رداٹ بیلٹ اینڈ روڈ انیشی ایٹیو آ پورو عملدرآمد آن شریک ملک آتا نیام اٹ واپار اٹی 4.1 درسد ودکی مریک۔ اومیت ءِ کہ 2030 اسکان داڑان سالانہ 1.6 ٹریلین ڈالر نا جہانی فائدہ دوئی مریک و 7.6 ملین بندغ آتے بے کچ نیزگاری آن کشنگک۔ بی آر آئی زرگزرانی فائدہ غاتیان کیہی زیات بھرم اتنگ ءِ۔ پدتموک ملک آتا اسہ بھلو کچ اسے سرمایہ نا کمتی کون آ اڑاندآتا مون تروک ءِ۔