قائد ملت لیاقت علی خان ایثار، سادگی و شائستگی نا نشانی ئس، نگران وزیراعظم نا خراج عقیدت

اسلام آباد۔ 16 اکتوبر (اے پی پی) نگران وزیراعظم انوارالحق کاکڑ ملک انا اولیکو وزیراعظم قائد ملت نوابزادہ لیاقت علی خان ءِ 72 می برسی نا وخت آخراج عقیدت پیش کرسا پارینے کہ او ایثار، سادگی و شائستگی نا نشانی ئس۔ دوشنبے نادے آ تینا ٹویٹ اٹی وزیراعظم پارے کہ ملک انا اولیکو وزیراعظم نوابزادہ لیاقت علی خان قائد اعظم محمد علی جناح و ایلو پاکستان نا بانی تتون اواری اٹ پاکستان نا جوڑ کننگ کن جہد نا کماشی ءِ کرے۔ او ایثار، سادگی و شائستگی نا نشانی ئس۔ اینو نادے 1951 اٹی اودے شہید کننگاسس۔ اینو نن نوابزادہ لیاقت علی خان نا برسی ءِ اڈتننگ ءِ۔ نوابزادہ لیاقت علی خان نا وژن و کارنامہ غاتیا اودے خراج عقیدت پیش کننگے۔