اسلام آباد۔ 16 اکتوبر (اے پی پی) نگران وزیراعظم انوارالحق کاکڑ چینی صدر شی جن پنگ نا سلہ غا اسلام آباد آن بیجنگ آ روانہ مس۔ وزیراعظم آفس نا میڈیا ونگ آن جاری بیان نا رداٹ وزیراعظم تینا دورہ ءِ چین اٹی 17 و18 اکتوبر آ اڈ ہلوک آ مسٹ میکو بیلٹ اینڈ روڈ فورم جہانی کمکاری ٹی بشخ ہلیک۔ بیلٹ اینڈ روڈ فورم اٹی پاکستان نا نمائندگی ءِ کرسا …
نگران وزیراعظم انوارالحق کاکڑ چینی صدر شی جن پنگ نا سلہ غا اِرادے ئی دورہ غا بیجنگ آ روانہ مس
اسلام آباد۔ 16 اکتوبر (اے پی پی) نگران وزیراعظم انوارالحق کاکڑ چینی صدر شی جن پنگ نا سلہ غا اسلام آباد آن بیجنگ آ روانہ مس۔ وزیراعظم آفس نا میڈیا ونگ آن جاری بیان نا رداٹ وزیراعظم تینا دورہ ءِ چین اٹی 17 و18 اکتوبر آ اڈ ہلوک آ مسٹ میکو بیلٹ اینڈ روڈ فورم جہانی کمکاری ٹی بشخ ہلیک۔ بیلٹ اینڈ روڈ فورم اٹی پاکستان نا نمائندگی ءِ کرسا وزیراعظم چین پاکستان اقتصادی راہداری (سی پیک) نا رداٹ تدوک آ دہ سال اٹی مروک آ شونداری سرسہبی اتون اوار اوار آخبت نا ہدف و دا اہم ڈٹ آ پاکستان نا پبی کمکاری نا درشانی ءِ کیک۔ وزیراعظم بی آر ایف نا بنائی دود اٹی بشخ ہلنگ آن بیدس 18 اکتوبر آ ’’اوپن جہانی زرگزران اٹی رابطہ‘‘ نا سرحال آ اڈ ہلوک بڑزکو کہولی فورم آن تران کیک۔ وزیراعظم نا چین اٹی چینی صدر شی جن پنگ تون ہڑتوم آکنڈآتا اوڑدہی اتون اوار اوار بڑزکو چینی سرکڑدہ و فورم اٹی ساڑی ایلو ملک آتا سروک آتون ہم اوڑدہی مریک۔ نگران وزیراعظم پاکستان اٹ پیشن نا زرکاری نا مون آ دننگ کن چین اٹ کاروباری شخصیت و زرکارآتون ہم اوڑدہی کیک۔ سنکیانگ و پاکستان نا الس نا نیام اٹ تعلقداری و کاروبار و زرکاری نا مون آ دننگ کن وزیراعظم اورمچی نا دورہ ءِ کیک ہراڑے وزیراعظم ہموجاگہ نا ہندی سرکڑدہ و کاروباری شخصیت آتون اوڑدہی کیک۔
