اسلام آباد۔ 16 اکتوبر (اے پی پی) نگران وزیراعظم انوارالحق کاکڑ پارینے کہ پاکستان ءِ غزہ ٹی برجا بیدادی و جانی نسخان تیا بھاز گڑتی ءِ، نن فلسطین نا مظلوم الس تون یکجہتی کن اوفتے تون سلوک اُن و غزہ ٹی دمدستی جنگ بندی و گھیڑ ءِ چٹفنگ نا خواست کینہ۔ دوشنبے نادے آ وزیراعظم آفس آن جاری ٹویٹ نا رداٹ نگران وزیراعظم پارے کہ اسرائیل نا غزہ ٹی شاری …
پاکستان ءِ غزہ ٹی برجا بیدادی و جانی نسخان تیا بھاز گڑتی ءِ، غزہ ٹی دمدستی جنگ بندی و گھیڑ ءِ چٹفنگ نا خواست کینہ، نگران وزیراعظم انوارالحق کاکڑ
اسلام آباد۔ 16 اکتوبر (اے پی پی) نگران وزیراعظم انوارالحق کاکڑ پارینے کہ پاکستان ءِ غزہ ٹی برجا بیدادی و جانی نسخان تیا بھاز گڑتی ءِ، نن فلسطین نا مظلوم الس تون یکجہتی کن اوفتے تون سلوک اُن و غزہ ٹی دمدستی جنگ بندی و گھیڑ ءِ چٹفنگ نا خواست کینہ۔ دوشنبے نادے آ وزیراعظم آفس آن جاری ٹویٹ نا رداٹ نگران وزیراعظم پارے کہ اسرائیل نا غزہ ٹی شاری تے رزاک اٹ، بلاامتیاز و غیرمتناسب شست کننگ تہذیب نا غٹ اصول آتا برخلاف و جہانی کانود نا پاش آن پاش خلا ف ورزی ءِ۔ اوپارے کہ بیدادی نا چٹفنگ ءِ فلسطینی گل زمین آ سال آتا جبری و غیر کانودی کوزہ و اونا الس نا برخلاف جابرانہ پالیسی تا رداٹ ہُننگ نا گرج ءِ۔ اقوام متحدہ و جہانی برادری ءِ محصور غزہ اسکان دمدستی وڑاٹ درکار کمکی گڑاتا ات ودر کن رکھ و غیر محدود انسانی راہداری ءِ ملنگ کن کارروائی کننگے۔ اوپارے کہ پاکستان غزہ نا ترندی اٹ بگڑینگوک آ حالیت آتیا او آئی سی و اونا باسک ملک آتون خڑکی رابطہ ٹی ءِ۔ وزیرخارجہ جلیل عباس جیلانی 18 اکتوبر آ او آئی سی نا ایگزیکٹیو کمیٹی ناہلہلہ ئی دیوان اٹی بشخ ہلیک و غزہ نا مخلوق نا تکلیف آتے مر کننگ کن دمدستی گام گیج آتیا زور شاغک ۔
