سی پیک ءَ  لکھانی  پاکستانی آنی زندمان آنں  انمنٹ   پازیٹیو   رند   پد  نکش  کتگ، سی پیک  پاکستان    ءُ چین ءِ نیام ءَ   سٹریٹیجک   کمک  ءِ  چیدگ  انت،  ادارکی   بنجاھی وزیر اھوالکاری  مرتضیٰ  سولنگی، سیکرٹری  درئی کار ءُ چینی سفیر  ءِ سیمینار ءَ گوں گشتانک

اسلام آباد۔15اکتوبر  (اے پی پی): ادارکی   بنجاھی وزیر  اھوالکاری ءُ شنگ کاری مرتضیٰ  سولنگی ءَ گوشتگ کہ  سی پیک ءَ لکھانی   پاکستانی آنی زندمان   ءِ سر ءَ  انمنٹ   پازیٹیو   رند  پد  نکش  کتگ،  سی پیک ءَ  مئے     الس   آنی  واستہ   دیمروئی ءِ نوکیں کشک   پچ  کتگ، پاکستان ءُ  چین   اے  کمک آناں  گیش  مھکم جوڑ  کنگ ءِ واستہ  جزمیگ  انت۔  سی پیک ءَ  ناں ایوک  ءَ چین  ءُ پاکستان  بلکینگ ءَ ایران،  اوگانستان    ،  نیامی  ایشیا   ءَ ھوار  سرجمیں  پڑ  ءَ    پازیٹیو  رند  پد  نکش  کتگ ۔  اے ھیالانی درشانی آئی ءَ گوستگیں  روچ ءَ   ” سی پیک  اینڈ  مائی لائف”    ءِ  بن   گپ ءِ سر ءَ  سیمینار  ءَ گوں گشتانک دیان ءَ  کت۔  ادارکی   بنجاھی  وزیر    اھوالکاری   ءَ گوشتگ کہ ادارکی   مزن وزیر  انوارالحق  کاکڑ    بلیلٹ  اینڈ   روڈ   فورم ءَ    بھر  زوری ءِ واستہ   چین ءِ   تر ءُ تاب   ءَ روادگ   بوھگ ءَ انت، پاکستان ءُ چین    ءِ مزن تکی سروک    آنی نیام ءَ   چین  ءَ بوھوکیں  رابطہ  ءَ چہ دو  نیمگی  یکوئی آناں  گیش   نوکیں   کوھنڈگ   آں  تاں   سر  کنت۔  مرتضیٰ سولنگی    ءَ گوشتگ کہ  سی پیک ءَ مردم آنی   زندمان     آنی  سر ءَ انمنٹ    پازیٹیو  رند پد  نکش  کتگ۔   لاہور ءَ اورنج  لائن  ٹرین،  سندھ ءَ تھرکول  ءُ  بلوچستان ءَ گوادر  وڑیں  سی پیک منصوبگ  ءَ چہ   الس ءَ را  بے  کساس   سیت    رستگ۔  آئیءَ گوشت  کہ   پاکستان  ءَ سرمایہ  کار آناں  ون  ونڈدو    آسراتی پجاری   کنگ ءِ واستہ  ھاسیں سرمایہ کاری   ءِ آسراتی    کونسل     جوڑ کتگ۔