نگراں وزیراعظم انوارالحق کاکڑ نا مسکوہی صدر غلام اسحاق خان و فرنٹیئر کانسٹیبلری ناشہید کمانڈنٹ صفوت غیور نا قبرآتیا دعاپاتیا

پشاور۔ 13 اکتوبر (اے پی پی) نگران وزیراعظم انوارالحق کاکڑ مسکوہی صدر غلام اسحاق خان و فرنٹیئر کانسٹیبلری نا شہید کمانڈنٹ صفوت غیور نا قبرآتیا دعاپاتیاکرے۔ جمعہ نادے آ پشاور نا دورہ ٹی وزیراعظم مسکوہی صدر غلام اسحاق خان نا قبرآ پھل آتا چادراس شاغا و ایماندار نا درجہ غاتا بڑزی کن دعاکرے۔ وزیراعظم فرنٹیئر کانسٹیبلری نا شہید کمانڈنٹ صفوت غیور ءِ خراج عقیدت پیش کننگ کن اوناقبرآ ہم ہنا ، دعاپاتیا کرے و پھل آتا چادراس شاغا۔ داوخت آ فرنٹیئر کانسٹیبلری نا دستہ شہید صفوت غیور ءِ سلامی ہم پیش کرے۔ وزیراعظم شہید صفوت غیور  ءِ خراج عقیدت پیش کرسا ملک و قوم اکن اونا خذمت آتا ستاءِ کرے۔ اوپارے کہ شہید صفوت غیور اسہ عظیم مسخت کن تینا جون ءِ ندر کرے، نن ملک انا رکھ اکن جون ءِ ندر کروک آ شہید آتا مقروض اُن ہرافک تینا فرض ءِ منصبی نا سرتننگ اٹ تینا جون تے ندرکریر۔