پاک بحریہ نا جانبازآک مدام شجاعت نا داستان تے نوشتہ کرینو، آرمی و ایئرفورس آنبار پاکستان نیوی ہم مدام دشمن نا جارحیت نا پبی ورندی ءِ تسنے، چیئرمین سینیٹ

اسلام آباد۔ 13 اکتوبر (اے پی پی) چیئرمین سینیٹ محمد صادق سنجرانی پارینے کہ پاک بحریہ نا جانباز آک مدام شجاعت نا داستان تے نوشتہ کرینو، آرمی و ایئر فورس آنبار پاکستان نیوی ہم مدام دشمن نا جارحیت نا پبی ورندی ءِ تسنے۔ سینیٹ سیکرٹریٹ نا رداٹ داخیال آتا درشانی ءِ او ریئر ایڈمرل جاوید اقبال تون گپ وتران کرسا کرے ہرا جمعہ نادے آ پارلیمنٹ ہاؤس اٹی اوڑدہی کرے۔ اوڑدہی ٹی تین پہ تینی است خواہی نا امور و پاکستان نیوی نا کسبی باندات آتیا گپ وتران کننگا۔ چیئرمین سینیٹ پاکستان نیوی نا آفیسر و ورناتا کسبی لائخی تا ستاءِ کرے۔ داوخت آ چیئرمین سینیٹ پارے کہ پاک بحریہ نا جانباز آک مدام شجاعت نا داستان اس نوشتہ کرینو۔ سمندری دنگ انا رکھ ءِ کروک آ  پاک بحریہ نا آفیسر و ورناک ننا گمرءُ۔ آرمی و ایئرفورس آنبار پاکستان نیوی ہم مدام دشمن نا جارحیت نا پبی ورندی ءِ تسنے۔ اوپارے کہ وطن عزیز نا سمندری دنگ انا دفاع ٹی پاکستان نیوی نا کڑد ءِ روشنا لوزآتیٹی نوشتہ کننگک۔ پوسکن آ دور انا چیلنج و دنیا ٹی رونما مروک تکنیکی بدلی تیا ہم اوڑدہی ٹی سیر حاصل گپ وتران مس۔ چیئرمین سینیٹ پارے کہ قدرتی آفت آتا نتیجہ ٹی پاک بحریہ نا زہمی تیکن کمک قابل قدر ءِ۔ پاک بحریہ ریلیف آپریشن تیٹی مدام زیات آن زیات بشخ ہلکنے۔ داوخت آ ریئرایڈمرل چیئرمین سینیٹ ءِ پاک نیوی نا چیدہ چیدہ لائخی تا بارواٹی ہم حوال تس۔