حکومت زہمی علاقہ غاتا راجی آسودہی و پائیدار شونداری کن سنبرینگوک ءِ، نگران بنجائی وزیر محمد سمیع سعید

اسلام آباد۔ 13 اکتوبر (اے پی پی) نگران بنجائی وزیر ڈٹ بندی شونداری و خصوصی گام گیج محمد سمیع سعید پارینے کہ حکومت ڈونر ایجنسی تے برجاکمکاری، زہمی علاقہ غاتا راجی آسودہی و پائیدار شونداری کن سنبرینگوک ءِ۔ داخیال آتا درشانی ءِ او جمعہ نادے آ تینا کماشی ٹی نوکاپ آن پد زہمی علاقہ غاتا بحالی وپوسکن تفنگ فریم ورک انا سرجزآتا بابت پالیسی اینڈ سٹریٹیجی کمیٹی بورڈ انا ایلو دیوان آں تران کرساکرے۔ دیوان اٹی گلگت بلتستان نا وزیر ڈٹ بندی ، سیکرٹری وزارت ڈٹ بندی، سیکرٹری ای اے ڈی، چیف سیکرٹری گلگت بلتستان، کنٹری ڈائریکٹر ورلڈ بینک، کنٹری ڈائریکٹر ایشیائی شونداری بینک، کنٹری ڈائریکٹر یورپی یونین اسلام آباد، ڈپٹی ریذیڈنٹ ڈائریکٹر یواین ڈی پی تون اوار بڑزکو کمامدارآک بشخ ہلکر۔ دیوان اٹی وزیراعلیٰ بلوچستان و غٹ صوبہ غاتا سیکرٹریک ویڈیوکانفرنس نا کمک اٹ بشخ ہلکر۔ دیوان اٹی ڈٹ آتا نفاذ و صوبہ غاتیان منظور مروک ڈٹ آتا پیش رفت نا جاچ ءِ ہلنگا۔ سیکرٹری ڈٹ بندی، اویس منظور سمرانا دیوان ءِ فورآر ایف ڈٹ آتا بابت سرجم حوال تس۔ محمد سمیع سعید پارے کہ حکومت ڈونر ایجنسی تے برجاکمکاری، زہمی علاقہ غاتا راجی آسودہی و پائیدار شونداری کن سنبرینگوک ءِ۔ اوپارت کرے کہ فورآر ایف ڈٹ آتا پدسلوک گٹ پی سی۔ ون تے زوت آن زوت  منظور کننگے۔ داوخت آ  بنجائی وزیر ڈونر ایجنسیک فور آر ایف ڈٹ آتا مستعدی اٹ چاروکی و پین آسودہی فراوان کننگ آ وزارت ڈٹ بندی نا منت واری ء ِ ہرفے۔ داکان بیدس او آخبت اٹ ہم دا ڈٹ آتیکن کمکاری ءِ برجاتخنگ نا عزم انا درشانی ءِ کرے۔