واپاری ءِ مون آ دننگ کن مواصلات نا بشخ ہرممکن گام گیج کننگ اٹی ءِ، نگران بنجائی وزیر مواصلات شاہد اشرف تارڑ

اسلام آباد۔ 13 اکتوبر (اے پی پی) نگران بنجائی وزیر مواصلات، ریلوائی و سمندری امور شاہد اشرف تارڑ پارینے کہ ملک اٹی زرگزرانی سوگوی اتنگ کن مواصلات نا بشخ فعال کڑد ادا کننگ اٹی ءِ ، ملک اٹی زرکاری اتنگ کن لائحہ عمل اسے آ عمل کننگ انگ ءِ۔ اوپارے کہ پاکستان و سینٹرل ایشیا واہ خان کوریڈور ءِ ٹنل نا کمک اٹ گنڈنگ آن ملک انا قسمت بدل مریک و بھلو کچ اسے آ واپار ناوارخواہی ودی مریک، پیشن نا ملک پاکستانی سفارت خانہ غاتیٹی کمرشل قونصلر آتا کارکڑد ءِ گچین کننگ کن پوسکن ءُ حکمت عملی اس اختیار کننگانے، بیوروکریٹ آتے واپاری امور نا زیات تجربہ مفک، نگران وزیر مستی پارے کہ ملک اٹی ورناتے حکومتی کہول آ آئی ٹی نا بشخ اٹی حکومتی سرپرستی ٹی روزگارنا وارخواہی دُوبریک۔ خیبرپختونخوا نا الس ءِ موٹروے تون ڈائریکٹ بالی پٹ اسکان رسینگ تننگک۔ داخیال آتا درشانی ءِ او تدوک آ دے ایف پی سی سی آئی نا کیپٹل آفس اسلام آباد نا دورہ ٹی نائب صدر ایف پی سی سی آئی و چیئرمین کیپٹل آفس امین اللہ بیگ، نائب صدر ایف پی سی سی آئی عمر مسعود الرحمان و ایلو باسک آتون اوڑدہی ٹی کرے۔ اوڑتون وار ایلو بڑزکو آفیسر آک ہم ساڑی ئسر وخت اس کہ ایف پی  سی سی آئی نا سینئر نمائندگان و سیاست دانک ہم ساڑی ئسر۔ اوڑدہی ٹی نیامی ایشیائی ملک آتون واپار کن اوغانستان اٹی امن و ایمنی ءِ قائم مننگ ءِ اہم گوندنگا۔ ایلو کنڈآ واہ خان کاریڈور ہرا روس آن واپار نا گونڈ و اہم روٹ جوڑ مننگ کیک داکان بیدس داسینٹرل ایشیااسکان سرمننگ نا گیگ بدل کسر ہم ارے، نا تفنگ آ زور شاغنگا۔ اوڑدہی ٹی ایکسپورٹ وامپورٹ ءِ گچین کننگ کن سفارت خانہ غاتیٹی آن لائن ایپلی کیشن نا نفاذ تون اوار کیہی امور تیاہم گپ وتران کننگا۔ نگران بنجائی وزیر شاہد اشرف تارڑ باوری کرفے کہ بزنس کمیونٹی ءِ مون تروک غٹ ویل آتے بنجائی کابینہ وہرفورم آ ہرفیوہ۔ حکومت ہر بشخ اٹی شفافیت ، گچینی و ترندی اتنگ کن اسہ مانیٹرنگ سسٹم اس اتنگ ءِ۔ بنجائی وزیر شاہد اشرف تارڑ داہیت آ ہم زور شاغا کہ بلیو اکانومی اقتصادی شونداری ، روزگار نا وارخواہی ودی کننگ و تکنیکی اختراع نا وڑاٹ کاریم کننگ کیک۔