اسلام آباد۔ 13 اکتوبر (اے پی پی) الیکشن کمیشن 13 اکتوبر 2023 آ ڈان نیوز نا کنڈآن شینک مروک خبر ءِ راستکی تیان چپ و غلط حوال آتیا تالان گوندسا پارینے کہ ووٹراسے نا درج ءِ اونا شناختی کارڈ انا رداٹ آخبتی یا ساڑی آ ڈس و نشان آ کننگک ہرانا آبادی نا حساب وکتاب تون ہچ ءُ تعلق اس اف۔ جمعہ نادے آ داڑے جاری بیان نا رداٹ الیکشن کمیشن نا ڈیٹا داظاہر کیک کہ 13 ملین مخلوق تینا حق رائے دہی ءِ کاریم اٹ اتنگ کپسہ۔ الیکشن کمیشن پیدوار کیک کہ زیر دفعہ 27 الیکشن ایکٹ 2017 ووٹراسے نا درج اونا شناختی کارڈ نا رداٹ آخبتی یا ساڑی آ ڈس ونشان آ کننگک۔ ہرانا آبادی نا حساب وکتاب تون ہچ ءُ تعلق اس اف۔ مردم شماری ہر بندغ نا ذاتی ساڑی گری آ کننگک وخت اس کہ ووٹرآتا درج ءِ شناختی کارڈ ناڈس و نشان نارداٹ مریک۔ الیکشن کمیشن غٹ اہل بندغ آتا وونٹ آتا درج ءِ پک کننگ کن گچین کاری فہرست آتے مورخہ 28 ستمبر 2023 آن غیر منجمد (De-Freeze)کرینے ہراکہ زیر دفعہ 39 الیکشنز ایکٹ 2017 مورخہ جولائی آ منجمد کننگاسس۔ الیکشن کمیشن ہڑدے ئی بنداو آ میڈیا نا کمک اٹ السءِ وونٹ نا درج، کشنگ و درستگی نا بارواٹی پدریسہ آگاہی فراوان کننگ ءِ ہراکہ 25 اکتوبر 2023 اسکان برجاسلک۔ ترجمان پارےکہ الیکشن کمیشن غٹ 8 لکھ آن زیات بندغ ہرافتے نادرا نا کنڈآن شناختی کارڈ جاری کننگانے، نا ڈیٹا یکم اکتوبر 2023آ نادراغان دوئی کریسس ہرانا ڈیٹا انٹری برجا ءِ و دا غٹ اہل بندغ آک بروک آ لس گچین کاری تیٹی تیناحق رائے دہی ءِ کاریم اٹ اتیرہ۔ داکان بیدس ہم 25 اکتوبر 2023انتئے کہ الیکشن کمیشن وونٹ درج، کشنگ و درستگی نا آخیریکو تاریخ مقرر کرینے۔ ہندا سوب آن داوڑنا غٹ بندغ ہرافتے 25 اکتوبر 2023 اسکان شناختی کارڈ جاری مریک، اوفتا وونٹ آتا درج ءِ پک کننگک۔ الیکشن کمیشن تینا آئینی و کانودی زمواری و ووٹرآتا حق آن جوانی اٹ بلد ءِ۔ ترجمان پارے کہ حلقہ بندی نا عمل آن ووٹرنا حق آ ہچ ءُ اثراس تمپک۔
